ରାଉରକେଲା (ପବନ/ସତ୍ୟାନନ୍ଦ): ଚଳନ୍ତା କାର୍ରେ ନିଆଁ ଲାଗିଥିବା ଦେଖି ଡେଇଁ ପଡ଼ିବାରୁ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତିଗଲେ ୩ ଯୁବକ। ଆଜି ଏପରି ଘଟଣା ରାଉରକେଲା ବ୍ରହ୍ମଣୀ ବ୍ରିଜ ନିକଟସ୍ଥ ୧୪୩ ନମ୍ବର ଜାତୀୟ ରାଜପଥରେ ଘଟିଛି। ନିଆଁ ଲାଗି ଯାଇଥିବାରୁ କାରଟି ସମ୍ପୂର୍ଣ୍ଣ ଜଳି ଯାଇଛି।
ଆଜି ୩ ଜଣ ଯୁବକ ଏକ କାର୍ରେ ରାଉରକେଲା ଅଭିମୁଖେ ଆସୁଥିଲେ। ତେବେ ବ୍ରାହ୍ମଣୀ ବ୍ରିଜ୍ ନିକଟରେ ହଠାତ୍ ଚଳନ୍ତା କାରରେ ନିଆଁ ଲାଗି ଯାଇଥିଲା। ଏହା ଦେଖି କାର୍ ଚାଳକଙ୍କ ସମେତ ୩ ଜଣ ଜୀବନ ବିକଳରେ ଡେଇଁ ପଡ଼ିଥିଲେ। ଫଳରେ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତି ଗଲେ ୩ ଯୁବକ।
ଖବର ପାଇ ଅଗ୍ନିଶମ କର୍ମଚାରୀ ଓ ବ୍ରାହ୍ମଣୀ ତରଙ୍ଗ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ମାତ୍ର ନିଆଁ ଲାଗିବାର କାରଣ ଏପର୍ଯ୍ୟନ୍ତ ଜଣାପଡ଼ି ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।