ନୂଆପଡା.(ମାୟାଧର ସରଫ): ନୂଆପଡା ଥାନା ଭଇଁଷମୁଣ୍ତି ଗାଁ ନିକଟରେ ଗତ ରାତିରେ ଦ୍ରୁତ ଗତିରେ ଯାଉଥିବା ଏକ କାର୍ ଜଳିଯାଇଛି। କାର୍ଟି ନୂଆପଡା ପାର୍ଶ୍ୱରୁ ଭଇଁଷମୁଣ୍ତି ଗାଁ ଆଡକୁ ଯାଉଥିଲା । ରାସ୍ତାରେ ହଠାତ କାର୍ଟି ଜଳି ଯାଉଥିବା ସ୍ଥାନୀୟ ଲୋକେ ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ । ଦମକଳ ଓ ପୁଲିସ୍ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ଉକ୍ତ ସମୟରେ କାର୍ରେ କେହି ବି ନ ଥିଲେ। ଗାଡି ଚାଳକ ତଥା ଗାଡ଼ି ମାଲିକଙ୍କ ସମ୍ପର୍କରେ କୌଣସି ସୂଚନା ମିଳି ନାହିଁ। କାର୍ଟି ଜଳିଗଲା ପରେ କିଏ ଛାଡି ଚାଲିଯାଇଥିବା ଅନୁମାନ କରାଯାଉଛି। ନୂଆପଡା ପୁଲିସ୍ ଘଟଣାର ତଦନ୍ତ କରୁଛି।