ସି-ସୋର ଚିଟଫଣ୍ଡ ଠକେଇ: ୫ଜଣଙ୍କ ନାଁରେ ଚାର୍ଜସିଟ୍‌ ଦାଖଲ

<p>ଭୁବନେଶ୍ୱର( ଓଡ଼ିଶା ରିପୋର୍ଟର): ସି-ସୋର ଚିଟଫଣ୍ଡ ଠକେଇ ମାମଲାର ଦ୍ୱିତୀୟ ଚାର୍ଜସିଟ୍&zwnj; ସିବିଆଇ ଦାଖଲ କରିଛି। ବିଜେଡି ବିଧାୟକ ପ୍ରଭାତ ବିଶ୍ୱାଳ, ତାଙ୍କ ପତ୍ନୀ ଲକ୍ଷ୍ମୀ ବିଳାସିନୀ ବିଶ୍ୱାଳ, ଅବସରପ୍ରାପ୍ତ ବରିଷ୍ଠ ଓଏଏସ୍&zwnj; ଅଧିକାରୀ ପ୍ରଦୀପ ହୋତା, ତାଙ୍କ ପତ୍ନୀ ପ୍ରତିମା ହୋତାଙ୍କ ସହ ସି-ସୋର ମୁଖ୍ୟ ପ୍ରଶାନ୍ତ ଦାଶଙ୍କ ନାଁରେ ଏହି ଚାର୍ଜସିଟ୍ ଦାଖଲ କରାଯାଇଛି। ଏଥିସହ ସି-ସୋର ମଲଟି ପର୍ପୋଜ କୋ-ଅପରେଟିଭ୍ ଲିମିଟେଡ୍&zwnj; ବିରୋଧରେ ମଧ୍ୟ ଚାର୍ଜସିଟ ହୋଇଛି।</p> <p>ବିଧାୟକ ପ୍ରଭାତ ବିଶ୍ୱାଳ ସି-ସୋର କମ୍ପାନୀକୁ ସୁରକ୍ଷା ଦେଉଥିଲେ। ଏଥିଯୋଗୁଁ କଟକ ଓ ଆଖପାଖ ଅଞ୍ଚଳରେ ସିସୋର ପକ୍ଷରୁ ବ୍ୟବସାୟ ଆରମ୍ଭ ହୋଇଥିଲା ବୋଲି ଚାର୍ଜସିଟରେ ଉଲ୍ଲେଖ ରହିଛି। ବିଧାୟକ ଓ ତାଙ୍କ ପତ୍ନୀ ଜାଲ୍&zwnj; କାଗଜପତ୍ର ଦ୍ୱାରା ୨୫ଲକ୍ଷ ଟଙ୍କା ନେଇଥିବା ସିବିଆଇ ଦର୍ଶାଇଛି।</p> <p>ସେହିପରି ଅବସରପ୍ରାପ୍ତ ବରିଷ୍ଠ ଓଏଏସ୍&zwnj; ଅଧିକାରୀ ପ୍ରଦୀପ ହୋତା ଇପିକଲର ମ୍ୟାନେଜିଂ ଡିରେକ୍ଟର ଥିବା ବେଳେ ସିସୋର ପ୍ରତି ଅହେତୁକ ଅନୁକମ୍ପା ଦେଖାଇଥିଲେ। ସେ ଓ ତାଙ୍କ ପତ୍ନୀ ପ୍ରତିମା ହୋତା ସିସୋର ଠାରୁ ୧୯ଲକ୍ଷରୁ ଅଧିକ ଟଙ୍କା ନେଇଥିବା ସିବିଆଇ ଦର୍ଶାଇଛି।</p> <p>ସିସୋର ମୁଖ୍ୟ ପ୍ରଶାନ୍ତ ଦାଶଙ୍କ ବିରୋଧରେ ତଦନ୍ତ ପ୍ରକ୍ରିୟା ଜାରି ରହିଛି ବୋଲି ସିବିଆଇ ପକ୍ଷରୁ ୧୦୦ପୃଷ୍ଠା ବିଶିଷ୍ଟ ଚାର୍ଜସିଟରେ ଉଲ୍ଲେଖ ରହିଛି। ଏହି ୫ଜଣଙ୍କ ବିରୋଧରେ ଠକେଇ, ଅପରାଧିକ ଷଡଯନ୍ତ୍ର ଓ ଜାଲିଆତି ଭଳି ସଙ୍ଗୀନ ଦଫା ଲାଗିଛି।</p> <p>ସି-ସୋର ଚିଟ୍&zwnj;ଫଣ୍ଡ ଠକେଇ ଅଭିଯୋଗରେ ସିସୋର ମୁଖ୍ୟ ପ୍ରଶାନ୍ତ ଦାଶଙ୍କୁ ଢେଙ୍କାନାଳ ପୋଲିସ ରିମାଣ୍ଡରେ ନେଇ ଏବେ ପଚରାଉଚରା କରୁଛି।</p> <p>&amp;nbsp;</p>