‘ଶୁଭିଲାଣି ବିଜେଡି ଶାସନ ପରିବର୍ତ୍ତନର ଧ୍ୱନୀ’

<p>ବିଜେପୁର (ଓଡ଼ିଶା ରିପୋର୍ଟର): ବିଜେପୁରରେ ଲୋକଙ୍କ ଗହଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୨୦୧୭ ମସିହାର ଶେଷ &lsquo;ମନ୍&zwnj; କି ବାତ୍&zwnj;&rsquo; କାର୍ଯ୍ୟକ୍ରମ ଶୁଣିଛନ୍ତି ବିଜେପି ନେତା। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ୍ ଓରାମ୍, ରାଜ୍ୟ ସଭାପତି ବସନ୍ତ ପଣ୍ଡା, ବିଜେପି ବିଧାୟକ ଦଳ ନେତାଙ୍କ ସମେତ ସବୁ ବିଧାୟକ ବୁଥ ସ୍ତରରେ ରହି କାର୍ଯ୍ୟକ୍ରମ ଶୁଣିଥିଲେ। ଏହି ଅବସରରେ ବିଜେପି ୧୨୦ ଆସନ ଜିତିବା କଥାକୁ ପୁଣି ଥରେ ଦୋହରାଇଛନ୍ତି।</p> <p>ଧର୍ମେନ୍ଦ୍ର ନବୀନଙ୍କୁ ଟାର୍ଗେଟ କରିଛନ୍ତି। ଓଡ଼ିଶାରେ ବିଜେଡି ଶାସନ ପରିବର୍ତ୍ତନର ପଦଧ୍ୱନୀ ଶୁଭିଲାଣି ଓ ସେଚ୍ଛାଚାରୀ ଶାସନର ଜବାବ ଲୋକେ ଦେବେ ବୋଲି ଧର୍ମେନ୍ଦ୍ର କହିଛନ୍ତି।</p> <p>ଏହାସହ ଅହଙ୍କାର ଓ ଅସହିଷ୍ଣୁତାକୁ ବିଜେପୁର ଉପନିର୍ବାଚନରେ ଜବାବ ଦିଆଯିବ ବୋଲି କହିଛନ୍ତି।</p> <p>ସେ କହିଛନ୍ତି- କେହି ସ୍ୱଚ୍ଛାଚାରୀ ହୋଇଯିବା ପ୍ରଜାତନ୍ତ୍ର ପାଇଁ ଭୟଙ୍କର। କିଛି ବନ୍ଧୁଙ୍କ ମନରେ ,ପ୍ରକାର ଅହଂକାର ବସା ବାନ୍ଧିଛି। ତେଣୁ ସେମାନେ ଅପଚେଷ୍ଟା କରୁଛନ୍ତି। ଓଡ଼ିଶାରେ ବିଜେପି ପ୍ରତି ଜନତାଙ୍କ ସମର୍ଥନ ବଢ଼ୁଛି। ବିଜେପୁର ଉପନିର୍ବାଚନ ଏହାର ଜବାବ ଦେବ।</p> <p>ଧର୍ମେନ୍ଦ୍ରଙ୍କ ମନ୍ତବ୍ୟ ଉପରେ ବିଜେଡି ଜବାବ ରଖିଛି। ଦଳୀୟ ମୁଖପାତ୍ର ପ୍ରତାପ ଦେବ କହିଛନ୍ତି- &ldquo;ବିଜେପୁରରେ ଦଳ ସପକ୍ଷରେ ହାୱା ତିଆରି ପାଇଁ ଏହା ଏକ ଭେଳିକି।ବିଜେପିର କେନ୍ଦ୍ର-ରାଜ୍ୟ ଶାଖା ମଧ୍ୟରେ ତାଳ ମେଳ ନାହିଁ।&rdquo;</p>