ରାଉରକେଲା: (ଓଡ଼ିଶା ରିପୋର୍ଟର): ସାବଧାନ ! ମାତିଛନ୍ତି ପିଲା ଚୋର। କାରଣ ଚୋରି ହୋଇଥିବା ଶିଶୁପୁତ୍ର ଉଦ୍ଧାର ହୋଇଛି। ୫ ବର୍ଷର ଶିଶୁପୁତ୍ରକୁ ପଶ୍ଚିମବଙ୍ଗ ମିଦନାପୁରରୁ ଉଦ୍ଧାର କଲା ପୁଲିସ। ଚୋରି ରାକେଟରେ ସଂପୃକ୍ତ ୩ ମହିଳାଙ୍କ ସମେତ ୪ ଜଣ ଗିରଫ। ଗତ ୪ ତାରିଖରେ ରାଉରକେଲା ଷ୍ଟେସନ ଅଞ୍ଚଳରୁ ଚୋରି ହୋଇଥିଲା। ଶିଶୁକୁ ଚୋରାଇ ନେଇଥିଲେ ରାକେଟର ୨ ମହିଳା ଓ ଜଣେ ପୁରୁଷ। ଚୋରାଇ ନେଇ ମିଦନାପୁରର ଜଣେ ମହିଳାଙ୍କୁ ୧ ଲକ୍ଷରେ ବିକିଥିଲେ। ଏନେଇ ଥାନାରେ ଅଭିଯୋଗ ପରେ ତନାଘନା କରିଥିଲା ପୋଲିସ। ଘଟଣାରେ ସଂପୃକ୍ତ ଚୋରି କରିଥିବା ୩ ଜଣ ଓ କିଣିଥିବା ମହିଳାଙ୍କୁ ଗିରଫ କରାଯାଇଛି। ଚୋରି ଶିଶୁପୁତ୍ରକୁ ଉଦ୍ଧାର କରି CWCର ଜିମା ଦେଇଛି ପୋଲିସ।
ଚଳିତ ମାସ ୪ ତାରିଖ ଦିନ ଶିଶୁଟିକୁ ରାଉରକେଲା ରେଳ ଷ୍ଟେସନ୍ ଅଞ୍ଚଳରୁ ଚୋରି କରି ପଶ୍ଚିମବଙ୍ଗ ମେଦିନାପୁରରେ ବିକ୍ରି କରିଦେଇଥିଲା। ମୁଖ୍ୟ ଅଭିଯୁକ୍ତ ସନ୍ତୋଷୀ ନାୟକ ଏହି ରାକେଟର ମାଷ୍ଟରମାଇଣ୍ଡ I ସେ ରାଉରକେଲା ସହରରୁ ଏମିତି ଶିଶୁଙ୍କୁ ଚୋରା ଚାଲାଣ କରୁଥିବା ଅଭିଯୋଗ ହୋଇଥିଲା। ଏହି ଘଟଣା ରେ ରାଉରକେଲା ପୁଲିସ ୩ ଟିମ୍ ଗଠନ କରି ରାଜ୍ୟ ତଥା ରାଜ୍ୟ ବାହାରକୁ ଯାଇଥିଲେ। ୧୨ ତାରିଖ ଦିନ ପ୍ଲାଣ୍ଟ ସାଇଟ୍ ଥାନାରେ ଲିଖିତ ଅଭିଯୋଗ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
