ଚିଟଫଣ୍ଡ ଠକେଇ:ସାତରୁ ଦଶଦିନ ମଧ୍ୟରେ ନିଆଯିବ ଗୁରୁତ୍ୱପୂର୍ଣ୍ଣ ପଦକ୍ଷେପ

ଭୁବନେଶ୍ୱର: ଚିଟଫଣ୍ଡ ଠକେଇରେ କ୍ଷତିଗ୍ରସ୍ତ କ୍ଷୁଦ୍ର ଜମାକାରୀଙ୍କୁ ଚିହ୍ନଟ କରିବାପାଇଁ ସାତରୁ ଦଶଦିନ ମଧ୍ୟରେ ପଦକ୍ଷେପ ଗ୍ରହଣ କରାଯାଇପାରିବ ବୋଲି ଚିଟଫଣ୍ଡ କେଳେଙ୍କାରୀର ତଦନ୍ତ କରୁଥିବା ଜଷ୍ଟିସ୍ ମଦନ ମୋହନ ଦାସ କହିଛନ୍ତି। ଏବେ ଡିଜିଟାଇଲାଜେସନ୍ ପ୍ରକ୍ରିୟା ଚାଲିଛି ଓ  ତଥ୍ୟ ପ୍ରସ୍ତୁତ ହେବାପରେ ଚିହ୍ନଟ ପ୍ରକ୍ରିୟା ଆରମ୍ଭ ହେବ। ଅଧିକାଂଶ କ୍ଷୁଦ୍ର ଜମାକାରୀଙ୍କୁ ଚିହ୍ନଟ କରାଯିବା ପରେ ସରକାରଙ୍କୁ ଏକ ଅନ୍ତରୀଣ ରିପୋର୍ଟ ପ୍ରଦାନ କରିବେ ବୋଲି ଜଷ୍ଟିସ୍ ଦାସ କହିଛନ୍ତି। ଏହି ରିପୋର୍ଟ ଆଧାରରେ ସରକାର କ୍ଷତିଗ୍ରସ୍ତ କ୍ଷୁଦ୍ର ଜମାକାରୀଙ୍କୁ ଅର୍ଥ ଫେରସ୍ତ ଦେଇପାରିବେ ବୋଲି ସେ କହିଛନ୍ତି। ବର୍ତ୍ତମାନ ସୁଦ୍ଧା କମିଶନଙ୍କ ନିକଟରେ ଦାଖଲ ହୋଇଥିବା ସତ୍ୟପାଠ ମଧ୍ୟରୁ ୭ଲକ୍ଷ ୭୧ହଜାର ୮୭୦ଟି ଯାଞ୍ଚ କରାଯାଇଛି। ପାଖାପାଖି ୧୦ହଜାର ଲଫ।ପା ଖୋଲାଯିବାକୁ ବାକି ରହିଛି। ମୋଟ ୩ ଲକ୍ଷ ୮୪ ହଜାର ସତ୍ୟପାଠର ସ୍କାନିଂ ଶେଷହୋଇ ଡ଼ାଟାଏଣ୍ଟ୍ରି କରାଯାଉଛି। ପ୍ରାୟ ୧୮୦ରୁ ଅଧିକ କମ୍ପାନୀ ବିରୋଧରେ ଜମାକାରୀମାନେ ଅଭିଯୋଗ କରିଛନ୍ତି ବୋଲି ଜଷ୍ଟିସ୍ ଦାସ କହିଛନ୍ତି।