ଭୁବନେଶ୍ୱର: ଚିଟଫଣ୍ଡ ଠକେଇ ଅଭିଯୋଗରେ କାଟଲୁନ୍ ମ୍ୟାନେଜମେଣ୍ଟ ଆଣ୍ଡ ଫାଇନାନସିଆଲ ସର୍ଭିସ ଲିମିଟେଡ ସଂସ୍ଥାର ସମ୍ପତ୍ତି ବାଜ୍ୟାପ୍ତି ହେବ। ମାମଲାର ଶୁଣାଣି କରି ସ୍ୱତନ୍ତ୍ର ଚିଟଫଣ୍ଡ କୋର୍ଟ ସମ୍ପତ୍ତି ବାଜ୍ୟାପ୍ତି କରିବାକୁ ନିର୍ଦ୍ଦେଶ ଦେଇଛନ୍ତି।
ଏହି ସଂସ୍ଥା ଭୁବନେଶ୍ୱର ଓ ଗଂଜାମ ଜିଲ୍ଲାର ଭଞ୍ଜନଗରରେ ଶାଖା କାର୍ଯ୍ୟାଳୟ ଖୋଲି ଲୋକଙ୍କ ଠାରୁ ଟଙ୍କା ଜମା ନେଇଥିବା ଅଭିଯୋଗ ହୋଇଥିଲା। ମାମଲାରେ ସଂସ୍ଥାର ନିର୍ଦ୍ଦେଶକ ଅଶ୍ୱିନୀ ନାୟକ ଏବଂ ପ୍ରମୋଟର କୈଳାସ ଚନ୍ଦ୍ର ସେଠୀ ପୂର୍ବରୁ ଗିରଫ ହୋଇଥିଲେ। ସଂସ୍ଥାର ଅନ୍ୟ ୮ ଅଭିଯୁକ୍ତ ଏବେ ବି ଫେରାର ଅଛନ୍ତି। ଜମାକାରୀଙ୍କ ଠାରୁ ଏହି ସଂସ୍ଥା ପ୍ରାୟ ୧ କୋଟି ୩୩ ଲକ୍ଷ ଟଙ୍କା ଠକି ନେଇଥିବା ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
