ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ପୁଣି ବିଜେଡି ନେତାମନ୍ତ୍ରୀଙ୍କ ଗହଣରେ ଚିଟ୍‌ଫଣ୍ଡ୍ ଅଭିଯୁକ୍ତ । ବିଜେଡି ପକ୍ଷରୁ ‘The Tall Man, Biju Pattnaik’ ପୁସ୍ତକର ମୁମ୍ବାଇରେ ଅନୁଷ୍ଠିତ ଲୋକାର୍ପଣ ଉତ୍ସବରେ ଦେଖିବାକୁ ମିଳିଛି ଅଭାବନୀୟ ଘଟଣା। ପୁସ୍ତକ ପ୍ରେଜେଣ୍ଟେସନ ସେରିମନିରେ ସି-ସୋର ମାମଲାରେ ସିବିଆଇ ଦ୍ୱାରା ଜେରା ହୋଇଥିବା ଅଭିଯୁକ୍ତ ବିପିନ ବିହାରୀ ମିଶ୍ରଙ୍କ ଉପସ୍ଥିତିକୁ ନେଇ ବିବାଦ ଦେଖାଦେଇଛି। ମୁଖ୍ୟମନ୍ତ୍ରୀଙ୍କ ଏହି ସଭାର ଆଗ ଧାଡିରେ ମନ୍ତ୍ରୀ ପ୍ରତାପ ଦେବ ଓ ବିଜେଡି ମୁଖପାତ୍ର ଦେବାଶିଷ ସାମନ୍ତରାୟଙ୍କ ମଝିରେ ବସିଥିଲେ ବିପିନ୍ । ସି- ସୋରଠାରୁ ଟଙ୍କା ନେବା ଅଭିଯୋଗରେ ସିବିଆଇ ବିପିନଙ୍କୁ ଦୁଇ ଦୁଇ ଥର ଜେରା କରିଥିଲା ତେବେ ବିଜେଡି ପାଓ୍ୱାର କରିଡରରେ ତାଙ୍କ ଉପସ୍ଥିତି ଓ ଗୁରୁତ୍ୱକୁ ନେଇ ଏବେ ପ୍ରଶ୍ନ ଉଠିଛି ।</p> <p>ମୁମ୍ବାଇରେ ଆୟୋଜିତ ଉତ୍ସବରେ ଗୋଟିଏ ପଟେ ମନ୍ତ୍ରୀ ପ୍ରତାପ ଜେନା, ଅନ୍ୟପଟେ ବିଜେଡି ମୁଖପାତ୍ର ଦେବାଶିଷ ସାମନ୍ତରାୟ ବସିଥିବା ବେଳେ ମଝିରେ ଥିଲେ ସିସୋର ଚିଟ୍‌ଫଣ୍ଡ ଠକେଇ ମାମଲାରେ ଅଭିଯୁକ୍ତ ବିପିନ୍ । ସେ କେବଳ ସଭାର ଆଗ ଧାଡିରେ ବସିଥିଲେ ତାନୁହେଁ, ମୁଖ୍ୟମନ୍ତ୍ରୀଙ୍କୁ ସଭାକୁ ସ୍ୱାଗତ ମଧ୍ୟ କରିଥିଲେ । ଏପଟେ ପୁସ୍ତକ ପ୍ରେଜେଣ୍ଟେସନ ସେରିମନିକୁ ନେଇ ମୁଖ୍ୟମନ୍ତ୍ରୀ ଯେଉଁ ଫଟୋ ଟୁଇଟ୍ କରିଛନ୍ତି ସେଥିରେ ମଧ୍ୟ ଅଛନ୍ତି ବିପିନ୍ । ତେଣୁ ମିଡିଲମ୍ୟାନ୍ ଶୁଭଙ୍କରଙ୍କ ପରେ ବିପିନଙ୍କୁ ନେଇ ଉଠିଛି ପ୍ରଶ୍ନ । ତାଙ୍କୁ ପୁସ୍ତକ ପ୍ରେଜେଣ୍ଟେସନ ସେରିମନିକୁ କିଏ ଆମନ୍ତ୍ରଣ କରିଥିଲେ ନା ସେ ନିଜେ ଏହି ଉତ୍ସବର ଆୟୋଜକ ଥିଲେ ତାହାକୁ ନେଇ ଉଠିଛି ପ୍ରଶ୍ନ।</p> <p>ସୂଚନାଯୋଗ୍ୟ, ମୁମ୍ବାଇରେ ସୂର୍ଯ୍ୟକ୍ଷେତ୍ର ନାମକ ଏକ ସ୍ୱେଚ୍ଛାସେବୀ ସଂଗଠନ ଚଳାଉଛନ୍ତି ବିପିନ । ସି-ସୋରଠାରୁ ଟଙ୍କା ନେବା ଅଭିଯୋଗରେ ତାଙ୍କୁ ଦୁଇ ଦୁଇ ଥର ଜେରା କରିଥିଲା ସିବିଆଇ । ତେଣୁ ମୁଖ୍ୟମନ୍ତ୍ରୀଙ୍କ ସଭାର ଆଗ ଧାଡିରେ ମନ୍ତ୍ରୀ ଓ ମୁଖପାତ୍ରଙ୍କ ଗହଣରେ ତାଙ୍କ ଉପସ୍ଥିତିକୁ ନେଇ ପ୍ରଶ୍ନ ଉଠିବା ସ୍ୱାଭାବିକ ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
