ଭୁବନେଶ୍ୱର: ରୋଜଭ୍ୟାଲି ଚିଟଫଣ୍ଡ ମାମଲାରେ ଗିରଫ ହୋଇ ଜେଲ୍ରେ ଥିବା ତୃଣମୂଳ କଂଗ୍ରେସ (ଟିଏମ୍ସି) ସାଂସଦ ସୁଦୀପ ବନ୍ଦୋପାଧ୍ୟୟ ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଗତକାଲି ଛାତିରେ ଯନ୍ତ୍ରଣା ଅନୁଭବ କରୁବାରୁ ତାଙ୍କୁ କ୍ୟାପିଟାଲ ହସ୍ପିଟାଲ ନିଆଯାଇଥିଲା। ପରେ ତାଙ୍କୁ କଟକ ସ୍ଥାନାନ୍ତର କରାଯାଇଛି।
ସୁଦୀପ କହିଛନ୍ତି,“୨୦୧୫ରୁ ପାନ୍କ୍ରିୟାରେ ପୀଡିତ ଅଛି। ଗତକାଲି ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଏସ୍ସିବିରେ ଭର୍ତ୍ତି ହୋଇଛି। ଏବେ ମାନସିକସ୍ତରରେ ୨୦୦ ପ୍ରତିଶତ ଫିଟ୍ ରହିଛି। ରୋଜଭ୍ୟାଲି ଚିଟ୍ଫଣ୍ଡ ସଂସ୍ଥାରୁ କେତେ ନେଇଛି ଜାଣିନି, ସିବିଆଇ ଜାଣିଥିବ। ବିମୁଦ୍ରାକରଣ ବିରୋଧରେ ମୁଁ ସଂସଦରେ ନେତୃତ୍ୱ ନେଉଥିଲି। ମମତା ବାନାର୍ଜୀ ଓ ଟିଏମ୍ସିକୁ ଖତମ କରିବାକୁ ବିଜେପି ଯୋଜନା କରିଛି।”
ରୋଜ୍ଭ୍ୟାଲି ଚିଟ୍ଫଣ୍ଡ ମାମଲାରେ ଗତ ୩ ତାରିଖରେ ସୁଦୀପଙ୍କୁ ଗିରଫ କରି ଭୁବନେଶ୍ୱର ଆଣିଥିଲା ସିବିଆଇ। ରୋଜଭ୍ୟାଲି ଓଡ଼ିଶାରେ ପ୍ରାୟ ୪୫୦ କୋଟି ଟଙ୍କାର ଠକେଇ କରିଥିବା ଅଭିଯୋଗ ହୋଇଛି।