ଖୋର୍ଦ୍ଧା (ବଳରାମ ଲେଙ୍କା): ଖାଦ୍ୟ ସାମଗ୍ରୀ ହେଉ ବା ଟଙ୍କା ଲୁଟ୍ ହେବାର ନଜିର ରହିଛି। ମାତ୍ର ସିଗାରେଟ୍ ଲୁଟ୍ ହେବାର କେବେ ଶୁଣିଛନ୍ତି କି?
ହଁ ଆଜ୍ଞା, ଆଜି ଏମିତି ଏକ ଘଟଣା ଖୋର୍ଦ୍ଧା ଜିଲ୍ଲାରେ ଘଟିଛି। ବିଜୟୱାଡ଼ା ଯାଉଥିବା ଏକ କଣ୍ଟେନରରୁ ପ୍ରାୟ ୨ କୋଟି ଟଙ୍କାର ସିଗାରେଟ୍ ଲୁଟ୍ ହୋଇଥିବା ଅଭିଯୋଗ ହୋଇଛି।
ଗାଡ଼ି ଚାଳକଙ୍କ ଅଭିଯୋଗ କ୍ରମେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ଗତକାଲି ଏକ ସିଗାରେଟ୍ ବୋଝେଇ କଣ୍ଟେନର୍ କୋଲ୍କାତାରୁ ବିଜୟୱାଡ଼ା ଯାଉଥିଲା। ଜାତୀୟ ରାଜପଥ-୧୬ର ରାମେଶ୍ୱର ଛକ ନିକଟରେ କିଛି ଦୁର୍ବୃତ୍ତ ଗାଡ଼ିଟିକୁ ଅଟକାଇଥିଲେ।
ପରେ ଗାଡ଼ିରେ ଥିବା ପ୍ରାୟ ୨ କୋଟିର ଟଙ୍କାର ସିଗାରେଟ୍ ଲୁଟି ନେଇଥିଲେ। କଣ୍ଟେନରକୁ ବାଙ୍କୀ ନିକଟରେ ଛାଡ଼ି ପଳାଇ ଯାଇଥିଲେ।
ଏନେଇ ଗାଡ଼ି ଚାଳକ ଆଜି ନିରାକାରପୁର ଥାନାରେ ଏତଲା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
