ରାଜଧାନୀରେ ପ୍ରତି ୪ ମିନିଟରେ ମିଳିବ ସିଟି ବସ୍‌

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱରରେ ଯାତ୍ରୀଙ୍କ ପାଇଁ ଖୁସି ଖବର। ରାଜଧାନୀରେ ପ୍ରତି ୪ ମିନିଟରେ ମିଳିବ ସିଟି ବସ୍&zwnj; ସେବା। ଏଥିପାଇଁ ସହରରେ ଆଉ ୨ଶହ ନୂଆ ସିଟି ବସ୍&zwnj; ସେବାରେ ଲାଗିବ। ଏହା ମଧ୍ୟରେ ରହିଛି ୫୦ଟି &zwnj;ଏସି ବସ୍। ମୁଖ୍ୟ ରାସ୍ତାରେ ପ୍ରତି ୪ମିନିଟରେ ସିଟି ବସ୍ ଚାଲିବାକୁ ଥିବା ବେଳେ ଅଦଳବଦଳ ଭାବେ ଗୋଟିଏ&zwnj; ଏସି ପରେ ଗୋଟିଏ ନନ୍ ଏସି ବସ୍ ଚାଲିବ।</p> <p>ଏବେ ରାଜଧାନୀରେ ୧୧୦ଟି ସିଟି ବସ୍&zwnj; ଚାଲିଛି। ଆଉ ୨୦୦ଟି ନୂଆ ବସ୍&zwnj; ଚାଲିବାରେ ପରେ ସିଟି ବସ୍&zwnj; ସଂଖ୍ୟା ୩୧୦ରେ ପହଞ୍ଚିବ।&nbsp; ଏହି ବର୍ଷ ଭୁବନେଶ୍ୱରରେ ଅନୁଷ୍ଠିତ ହେବାକୁ ଥିବା ହକି ବିଶ୍ୱ କପ ପୂର୍ବରୁ ଏହି ସୁବିଧା ପାଇବେ ରାଜଧାନୀବାସୀ।&nbsp; ଭୁବନେଶ୍ୱର ଓ ଏହାର ନିକଟବର୍ତ୍ତୀ ଅଞ୍ଚଳରେ ଏହି ବସ୍ ଚାଲିବା ପାଇଁ ଯୋଜନା ଥିବା ବେଳେ କେଉଁ ରୁଟ୍&zwnj;ରେ କେତେ ବସ୍&zwnj; ଚାଲିବ ପରେ ନିଷ୍ପତ୍ତି ନିଆଯିବ। ଏହି ବସ୍&zwnj; ସେବାର ସୁପରିଚାଳନା ପାଇଁ ୩ ଟି ସଂସ୍ଥାକୁ ଦାୟିତ୍ୱ ଦିଆଯିବ।</p> <p>ଗତକାଲି ସଚିବାଳୟରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ଷମତା ସମ୍ପର୍ଣ ବୈଠକ ପରେ ଏହି ସୂଚନା ଦେଇଛନ୍ତି ବିଏମସି କମିଶନର କ୍ରିଷନ କୁମାର।</p>