ରାଜ୍ୟସଭାକୁ କିଏ ଯିବେ? ମୁଖ୍ୟମନ୍ତ୍ରୀ କ’ଣ କହିଲେ ଶୁଣନ୍ତୁ

ଭୁବନେଶ୍ୱର (ଓଡ଼ିଶା ରିପୋର୍ଟର): ଗତକାଲି ଦିଲ୍ଲୀ ଯାଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଫେରି ଆସିଛନ୍ତି। ଦିଲ୍ଲୀରୁ ଫେରିବା ପରେ ଗଣମାଧ୍ୟମ ପ୍ରତିନିଧିଙ୍କ ଏକ ପ୍ରଶ୍ନର ଉତ୍ତର ଦେଇ ସେ କହିଥିଲେ ରାଜ୍ୟସଭାକୁ ରାଜନୈତିକ ବ୍ୟକ୍ତିଙ୍କୁ ପଠାଯିବ। ଠିକ୍ ସମୟରେ ପ୍ରାର୍ଥୀଙ୍କ ନାଁ ଘୋଷଣା କରାଯିବ।

ରାଜନେତା ନା ଅଭିନେତାଙ୍କୁ ରାଜ୍ୟସଭାକୁ ପଠାଯିବ ବୋଲି ଗଣମାଧ୍ୟମ ପ୍ରତିନିଧିମାନେ ପଚାରିଥିବା ଏକ ପ୍ରଶ୍ନର ଉତ୍ତରରେ ସେ ଏହା କହିଥିଲେ।

ବିଜୁ ମ୍ୟୁଜିୟମ୍‌ ଉଦ୍‌ଘାଟନ ଉତ୍ସବକୁ ରାଷ୍ଟ୍ରପତିଙ୍କୁ ନିମନ୍ତ୍ରଣ କରିବା ପାଇଁ ସେ ଦିଲ୍ଲୀ ଯାଇଥିଲେ ବୋଲି କହିଥିଲେ। ଏହା ସହିତ ବିଜେପୁରରେ ବୃହତ୍ ବ୍ୟବଧାନରେ ଦଳ ବିଜୟ ହେବା ନେଇ ସେ ଆଶାବାଦୀ ଥିବା କହିଥିଲେ।