ଭୁବନେଶ୍ୱର (ଓଡ଼ିଶା ରିପୋର୍ଟର): ଦୁଇ ଦିନ ହେଲାଣି ରାଜ୍ୟରେ ପୁଣି ଶୀତ ଆରମ୍ଭ ହୋଇଯାଇଛି। କନ୍ଧମାଳ ଜିଲ୍ଲାର ଦାରିଙ୍ଗବାଡ଼ିରେ ଗତକାଲି ସର୍ବନିମ୍ନ ତାପମାତ୍ରା ୪ ଡିଗ୍ରୀକୁ ଖସି ଯାଇଥିବା ବେଳେ ଆହୁରି ୪୮ ଘଣ୍ଟା ପାଇଁ ରାଜ୍ୟରେ ଶୀତର ଲହରୀ ଜାରି ରହିବ। ଏଥିନେଇ ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କାର୍ଯ୍ୟାଳୟ ପକ୍ଷରୁ କୋଲ୍ଡ ୱେଭ୍ କଣ୍ଡିସନ୍ ଜାରି କରାଯାଇଛି।
ପ୍ରଥମ ଦିନରେ ଉତ୍ତର-ଦକ୍ଷିଣ ଓଡ଼ିଶାରେ କୋଲ୍ଡ ୱେଭ୍ କଣ୍ଡିସନ୍ ଜାରି କରାଯାଇଥିବା ବେଳେ ଦ୍ୱିତୀୟ ଦିନରେ ପୂରା ଦକ୍ଷିଣ ଓଡ଼ିଶାରେ ଏହି ସତର୍କ ସୂଚନା ଜାରି କରାଯାଇଛି। ରାତିରେ ସ୍ୱାଭାବିକ ତାପମାତ୍ରା ହ୍ରାସ ପାଉଥିବାରୁ ପୁଣି ଶୀତ ଲହରୀ ଅନୁଭୂତ ହେଉଛି।
ଆଜି ଅନୁଗୋଳ ଓ ଦାରିଙ୍ଗବାଡ଼ିରେ ତାପମାତ୍ରା ୬ ଡିଗ୍ରୀକୁ ଖସି ଯାଇଥିଲା। ଗତକାଲି ଦାରିଙ୍ଗବାଡ଼ି ଓ ଏହାର ଆଖପାଖ ଅଞ୍ଚଳରେ ତୁଷାରପାତ ହୋଇଥିଲା।