ଭୁବନେଶ୍ୱର: ରାଜଧାନୀ କଲେଜରେ ପ୍ରାକ୍ ନିର୍ବାଚନୀ ହିଂସା ଦେଖିବାକୁ ମିଳିଛି। ଜଣେ ଆଶାୟୀ ପ୍ରାର୍ଥୀଙ୍କୁ କିଛି ଛାତ୍ର ଓ ଅଣଛାତ୍ର ସଂଘବଦ୍ଧ ଭାବେ ଆକ୍ରମଣ କରିଥିବା ଅଭିଯୋଗ ହୋଇଛି। ଏଥିରେ ଯୁକ୍ତ ୩ ଦ୍ୱିତୀୟ ବର୍ଷର ଜଣେ ଛାତ୍ର ଆହତ ହୋଇଛନ୍ତି। ତାଙ୍କ ନାଁ ବିଶ୍ୱଜିତ୍ ସ୍ୱାଇଁ। ସେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ଏ ନେଇ ଖଣ୍ଡଗିରି ଥାନାରେ ବିଶ୍ୱଜିତ୍ ଏତଲା ଦେଇଛନ୍ତି। ତାଙ୍କୁ କିଛି ଅଣଛାତ୍ର ମାରଣାସ୍ତ୍ର ଦେଖାଇ ବାଡେଇବା ସହିତ ନିର୍ବାଚନରେ ଠିଆ ହେଲେ ଜୀବନରୁ ମାରିଦେବାକୁ ଧମକ ଦେଇଥିବା ବିଶ୍ୱଜିତ୍ ଏତଲାରେ ଉଲ୍ଲେଖ କରିଛନ୍ତି।