ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବଲାଙ୍ଗିର(ଓଡ଼ିଶା ରିପୋର୍ଟର): ମାଟ୍ରିକ ପରୀକ୍ଷା ପରେ ଭାଇରାଲ୍ ଜାଲରେ ଏବେ ଆଉ ଏକ ପରୀକ୍ଷାର ପ୍ରଶ୍ନପତ୍ର। ଓଡ଼ିଶା ସବ୍-ଅର୍ଡିନେଟ୍ ଷ୍ଟାଫ୍ ସିଲେକସନ୍‌ କମିଶନ ପକ୍ଷରୁ କନିଷ୍ଠ କିରାଣୀ ପଦ ପାଇଁ ହୋଇଥିବା କମ୍ପ୍ୟୁଟର ପ୍ରାକ୍ଟିକାଲ ପରୀକ୍ଷାର ପ୍ରଶ୍ନପତ୍ର ଭାଇରାଲ୍ ହୋଇଥିବା ଅଭିଯୋଗ ହୋଇଛି। ଗତ ୪ ତାରିଖରେ ୪ଟି ବ୍ୟାଚରେ ଏହି ପରୀକ୍ଷା ହୋଇଥିବା ବେଳେ ସମସ୍ତ ବ୍ୟାଚ୍‌ରେ ପ୍ରଶ୍ନପତ୍ର ସମାନ ଥିବା ଓ ପ୍ରଥମ ବ୍ୟାଚ୍ ପରୀକ୍ଷା ପରେ ପ୍ରଶ୍ନପତ୍ର ଭାଇରାଲ୍ ହେବା ଘଟଣା ପରୀକ୍ଷା ପରିଚାଳନା ବ୍ୟବସ୍ଥା ଉପରେ ପ୍ରଶ୍ନ ଉଠିଛି।</p> <p>ପରୀକ୍ଷାର୍ଥୀ ଓ ପରୀକ୍ଷା ପରିଚାଳନା ଦାୟିତ୍ୱରେ ଥିବା କର୍ମଚାରୀ ପରୀକ୍ଷା କେନ୍ଦ୍ର ମୋବାଇଲ ନେଇପାରିବେ ନାହିଁ। ଏଥିପାଇଁ ସରକାର ଗାଇଡ୍‌ଲାଇନ୍‌ ଜାରି କରିଥିଲେ। ସେଥିପାଇଁ ଓଡ଼ିଶା ସବ୍-ଅର୍ଡିନେଟ୍ ଷ୍ଟାଫ୍ ସିଲେକସନ କମିଶନ ପରୀକ୍ଷା କେନ୍ଦ୍ରକୁ ମୋବାଇଲ ଛଡ଼ା ଯାଇନଥିଲା। ଏହା ସତ୍ତ୍ୱେ ଭାଇରାଲ୍ ହେଲା ପ୍ରଶ୍ନପତ୍ର। ମାଟ୍ରିକ ପରେ ପ୍ରଶ୍ନପତ୍ର ଲିକରେ ଶିକାର ହେଲେ ଓଡ଼ିଶା ସବ୍-ଅର୍ଡିନେଟ୍ ଷ୍ଟାଫ୍ ସିଲେକସନ କମିଶନ ପରୀକ୍ଷା। କନିଷ୍ଠ କିରାଣୀ ପଦବୀ ପାଇଁ ଗତ ୪ ତାରିଖରେ ହୋଇଥିବା କମ୍ପ୍ୟୁଟର ପ୍ରାକ୍ଟିକାଲ ପରୀକ୍ଷାର ପ୍ରଶ୍ନପତ୍ର ଲିକ୍ ହୋଇଥିବା ଅଭିଯୋଗ ହୋଇଛି। ବଲାଙ୍ଗିରରେ ସରକାରୀ ପଲିଟେକ୍ନିକ୍‌ କଲେଜ, ସରକାରୀ ଆଇଟିଆଇ ଓ ରାଜେନ୍ଦ୍ର ଅଟୋନମସ କଲେଜରେ ପରୀକ୍ଷା କେନ୍ଦ୍ର ହୋଇଥିଲା। ପ୍ରତି ସେଣ୍ଟରରେ ଅଧଘଣ୍ଟା ବ୍ୟବଧାନରେ ୪ଟି ବ୍ୟାଚରେ ପରୀକ୍ଷା ଦେଇଥିଲେ ପରୀକ୍ଷାର୍ଥୀ। ହେଲେ ସବୁ ବ୍ୟାଚ୍‌ରେ ପ୍ରଶ୍ନପତ୍ର ଥିଲା ସମାନ। ତେଣୁ ପ୍ରଥମ ବ୍ୟାଚ୍ ପରୀକ୍ଷା ପରେ ପ୍ରଶ୍ନପତ୍ର ଭାଇରାଲ ହେବାରୁ ବାକି ୩ ବ୍ୟାଚ୍‌ରେ ପରୀକ୍ଷାର୍ଥୀଙ୍କୁ ଏହା ସୁହାଇଥିବା ଅଭିଯୋଗ ହୋଇଛି।</p> <p>ପରୀକ୍ଷା କେନ୍ଦ୍ର କର୍ତ୍ତୃପକ୍ଷଙ୍କ କହିଛନ୍ତି ପ୍ରଶ୍ନପତ୍ର ପାସ୍ଓ୍ୱାର୍ଡ୍ ପ୍ରୋଟେକ୍ଟେଡ୍ ରହିଥିଲା। ଏପରିକି ପରୀକ୍ଷା କେନ୍ଦ୍ରକୁ ମୋବାଇଲ୍ ଛଡ଼ା ଯାଉ ନଥିବାରୁ ପ୍ରଶ୍ନ ଲିକ୍ ହେବା ସମ୍ଭବ ନୁହେଁ। ଜିଲ୍ଲା ପ୍ରଶାସନ ମଧ୍ୟ ସମାନ ଯୁକ୍ତି ରଖିଛନ୍ତି। ତେବେ ପ୍ରଶ୍ନପତ୍ର ବାହାରକୁ କେମିତି ଆସିଲା?</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
