ବାଲେଶ୍ୱର (ରଞ୍ଜିତ୍ ପାକଳ) : ବାଲେଶ୍ୱର ଜିଲ୍ଲାର ବିଭିନ୍ନ ହାଇସ୍କୁଲରେ କମ୍ପ୍ୟୁଟର ତାଲିମ ଦେଉଥିବା ଶିକ୍ଷକ ମାନେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି। ଶିକ୍ଷକମାନଙ୍କୁ ପୁନଃ ନିଯୁକ୍ତି ଦିଆ ନଗଲେ ସେମାନେ ସପରିବାର ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି।
ଜିଲ୍ଲାର ବିଭିନ୍ନ ହାଇସ୍କୁଲରେ ଛାତ୍ରଛାତ୍ରୀ ଓ ଶିକ୍ଷକଙ୍କୁ କମ୍ପ୍ୟୁଟର ତାଲିମ ଦେବାଲାଗି ଶିକ୍ଷକଙ୍କୁ ନିଯୁକ୍ତି ଦିଆଯାଇଥିଲା। ସରକାରଙ୍କ ଅନୁମୋଦିତ ଆଇ.ଏଲ.ଏଫ.ଏସ. ଠିକା ସଂସ୍ଥା ଅଧିନରେ ଶିକ୍ଷକ ମାନେ ୫ବର୍ଷ ଧରି କାର୍ଯ୍ୟ କଲେ। ହେଲେ ଏବେ ଏହି ସଂସ୍ଥା ସେମାନଙ୍କୁ ଛଟେଇ କରିଦେଇଛି।
ଏ ନେଇ ଜିଲ୍ଲା ଶିକ୍ଷାଧିକାରୀଙ୍କୁ ଅଭିଯୋଗ କରିବା ସହ ୪ ଦଫା ଦାବି ପତ୍ର ପ୍ରଦାନ କରିଛି ସଂଘ। ଯଦି ସମୟ ସୀମା ଭିତରେ ସରକାରୀ ପଦକ୍ଷେପ ନ ନିଆଯାଏ, ତା’ହେଲେ ଶିକ୍ଷକମାନେ ସେମାନଙ୍କ ପରିବାର ସମେତ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି। ଚତୁର୍ଥ ପର୍ଯ୍ୟାୟରେ ଏପ୍ରିଲ ୨୯ ତାରିଖରେ ବାଲେଶ୍ୱରରେ ଭୋଟ ଗ୍ରହଣ ହେବ।