ଖଲିକୋଟ( ସିଲୁ ବିଶ୍ୱାଳ): ଖଲ୍ଲିକୋଟ ଥାନା ଅନ୍ତର୍ଗତ ଭେଜିପୁଟ ଫାଣ୍ଡି ତରଫରୁ ଗୁରାପଲୀ ଟୋଲ ପ୍ଲାଜା ନିକଟରେ ଗାଡି ଚେକିଙ୍ଗ ବେଳେ ଫାଣ୍ଡି କନେଷ୍ଟବଳ ସୁଦର୍ଶନ ଜେନାଙ୍କ ଦବଙ୍ଗ ଗିରି । କନଷ୍ଟେବଳ ସୁଦର୍ଶନ ଅସଭ୍ୟ ଭାଷାରେ ଜଣେ ଯୁବକଙ୍କୁ ଗାଳି କରିବା ସହ ଚାପୁଡ଼ା ପରେ ଚାପୁଡ଼ା ମାରିଥିଲେ। ଟ୍ରାଫିକ୍ ନିୟମ ଉଲ୍ଲଂଘନ ଅଭିଯୋଗରେ ପୁଲି ତାଙ୍କୁ ବାଡ଼େଇ ଥିବା ଅଭିଯୋଗ ହୋଇଛି। ଫଳରେ ଯୁବକଙ୍କ ମୁହଁ ଫାଟି ରକ୍ତ ବାହାରି ଥିଲା। ଏହି ଭିଡ଼ିଓ ଏବେ ସୋସିଆଲ ମିଡ଼ିଆ ରେ ଭାଇରାଲ ହେବାରେ ଲାଗିଛି।
ଏଠି ପ୍ରଶ୍ନ ଯଦି ଯୁବକଙ୍କର ଯଦି କିଛି ଭୁଲ ଥିଲା ଆଇନ ଅନୁଯାଇ ଫାଇନ କାଟିବାର ବ୍ୟବସ୍ତା ରହିଛି l ଏହା ପରିବର୍ତ୍ତେ ବିଚ ରାସ୍ତାରେ ଯୁବକଙ୍କୁ ମାଡ଼ ମାରିବା ନେଇ ସମ୍ପୃକ୍ତ କନଷ୍ଟେବଳଙ୍କ ଦାଦାଗିରିକୁ ନେଇ ଅସନ୍ତୋଷ ପ୍ରକାଶ ପାଇଛି।
ଏହି ସମସ୍ତ ଘଟଣାର ଭିଡ଼ିଓ ବର୍ତ୍ତମାନ ସୋଶାଲ ମିଡ଼ିଆରେ ଭାଇରାଲ ହେଉଛି l ଏନେଇ ସମ୍ପୃକ୍ତ କନଷ୍ଟେବଳ କିମ୍ବା ଥାନା ଅଧିକାରୀଙ୍କ ପ୍ରତିକ୍ରିୟା ମିଳି ପାରିନାହିଁ l
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
