ବାରିପଦା (ମାଲିକ ଲାଲ୍ ପାଣି): ମୟୂରଭଞ୍ଜରେ ଥିବା ପଞ୍ଚମ ବାଟାଲିଅନ୍ ପରିସରରେ ଜଣେ ସିପାହୀଙ୍କୁ ନିସ୍ତୁକ ମାଡ଼ ମରାଯାଇଛି। ତାଙ୍କ ନାଁ କାଳିଚରଣ କିସ୍କୁ। ତାଙ୍କୁ ବାରିପଦା ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନା ଅନୁସାରେ, ଗତକାଲି କାଳିଚରଣ କ୍ୱାର୍ଟର୍ସ ଗାର୍ଡ ଡ୍ୟୁଟିରେ ଥିଲେ। ହେଲେ ସେ ପାଣି ପିଇବାକୁ ପାଖରେ ଥିବା ଏକ ଚା’ ଦୋକାନକୁ ଯାଇଥିଲେ। ଏହି ସମୟରେ ତାଙ୍କୁ ତାଙ୍କର ଆସିଷ୍ଟାଣ୍ଟ୍ କମାଣ୍ଡାଣ୍ଟ୍ ଦେଖି ଥିଲେ ଓ ଡ୍ୟୁଟି ସମୟରେ କାହିଁକି ବାହାରକୁ ଆସିଛ ବୋଲି ପ୍ରଶ୍ନ କରିଥିଲେ। ଏହାପରେ ଆସିଷ୍ଟାଣ୍ଟ୍ କମାଣ୍ଡାଣ୍ଟ୍ ତାଙ୍କର ଅନ୍ୟ ଉପରିସ୍ଥ ଅଫିସରଙ୍କୁ ଡାକିଥିଲେ ଓ ସେଠାରେ କାଳିଚରଣଙ୍କୁ ନିସ୍ତୁକ ମାଡ଼ ମାରିଥିଲେ। ଗୁରୁତର ଅବସ୍ଥାରେ କାଳିଚରଣଙ୍କୁ ତାଙ୍କ ସମ୍ପର୍କୀୟମାନେ ଡାକ୍ତରଖାନରେ ଭର୍ତ୍ତି କରିଥିଲେ।
ଏହି ଘଟଣା ନେଇ କାଳିଚରଣଙ୍କ ପରିବାର ଲୋକେ ବାରିପଦା ସଦର ଥାନାରେ ଲିଖିତ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
