ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଟ୍ରେନ୍‌କୁ ଅପେକ୍ଷା କରିଥିଲେ ଜଣେ ଯାତ୍ରୀ। ହଠାତ ଛାତିରେ ଯନ୍ତ୍ରଣା ହେବାରୁ ତଳେ ପଡ଼ି ଯାଇଥିଲେ। ଅଫିସ୍‌ରୁ ଡ୍ୟୁଟି ସାରି ଫେରୁଥିବା ଜଣେ ଜିଆର୍‌ପି କନ୍‌ଷ୍ଟେବଳଙ୍କ ଉପସ୍ଥିତ ବୁଦ୍ଧି ଯୋଗୁ ଯାତ୍ରୀଙ୍କ ଜୀବନ ବଞ୍ଚି ଯାଇଛି। ଏହି ଘଟଣା ଭାଇରାଲ୍‌ ହେବା ପରେ ରେଳବାଇ ଏଡିଜି ପ୍ରାଣବିନ୍ଦୁ ଆଚାର୍ଯ୍ୟ ତାଙ୍କୁ ପୁରସ୍କୃତ କରିଛନ୍ତି।</p> <p>ପୂରା ଘଟଣା ଏମିତି। ଟ୍ରେନ୍‌ରେ ଯିବା ପାଇଁ ଜଣେ ଯାତ୍ରୀ ଭୁବନେଶ୍ୱର ରେଳ ଷ୍ଟେସନରେ ଅପେକ୍ଷା କରିଥିଲେ। ଏହି ସମୟରେ ତାଙ୍କ ଛାତିରେ ଅସହ୍ୟ ଯନ୍ତ୍ରଣା ହୋଇଥିଲା। ତେଣୁ ସେ ସଙ୍ଗେ ସଙ୍ଗେ ସଂଜ୍ଞା ହରାଇ ପଡ଼ି ଯାଇଥିଲେ।</p> <p>(image) ଏହି ସମୟରେ ଡ୍ୟୁଟି ସାରି ଅଫିସରୁ ଫେରୁଥିଲେ ଜିଆର୍‌ପି କନ୍‌ଷ୍ଟେବଳ ବଳରାମ ସିଂହ। ସଂଜ୍ଞାହୀନ ଅବସ୍ଥାରେ ପଡ଼ିଥିବା ଯାତ୍ରୀଙ୍କୁ ଦେଖି ତାଙ୍କ ଚେତା ଫେରାଇ ଆଣିବା ପାଇଁ ଚେଷ୍ଟା କରିଥିଲେ ବଳରାମ। ପ୍ରାୟ ୧୦ ମିନିଟ ଯାଏ ଆଶୁ ଚିକିତ୍ସା ଯୋଗାଇ ଦେଇଥିଲେ।</p> <p>ବଳରାମ କେତେବେଳେ ଅଚେତ ବ୍ୟକ୍ତିଙ୍କ ଛାତିରେ ଚାପ ପ୍ରୟୋଗ କରୁଥିଲେ ତ ପୁଣି ଆଉ କେତେବେଳେ ଛାତିକୁ ମାଲିସ୍‌ କରୁଥିଲେ। ଶେଷରେ ସଂଜ୍ଞାହୀନ ହୋଇପଡିଥିବା ଟ୍ରେନ ଯାତ୍ରୀଙ୍କ ଚେତା ଫେରିଥିଲା। ପରେ ତାଙ୍କୁ ଆମ୍ବଲାନ୍ସରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହି ଘଟଣାର ଭିଡିଓ ଭାଇରାଲ ହେବା ପରେ ଜିଆର୍‌ପି କନେଷ୍ଟବଳ ତାଙ୍କ ସମୟୋପଯୋଗୀ ଓ ନିସ୍ୱାର୍ଥପର ସେବା ପାଇଁ ଚର୍ଚ୍ଚାକୁ ଆସିଛନ୍ତି।</p> <p>କନେଷ୍ଟବଳଙ୍କ ସେବା ମନୋଭାବ ସହ ଉପସ୍ଥିତ ବୁଦ୍ଧି ଓ ଟ୍ରେନିଂର ସଦ୍‌ବିନିଯୋଗ ପାଇଁ ତାଙ୍କୁ ପୁରସ୍କୃତ କରାଯାଇଛି। ରେଳବାଇ ଏଡିଜି ପ୍ରାଣବିନ୍ଦୁ ଆଚାର୍ଯ୍ୟ ତାଙ୍କୁ ଧନ୍ୟବାଦ ଦେବା ସହିତ ପ୍ରଶଂସା କରିଛନ୍ତି। ଏଥିପାଇଁ ସେ କନ୍‌ଷ୍ଟେବଳ ବଳରାମଙ୍କୁ ଏକ ହଜାର ଟଙ୍କା ପୁରସ୍କାର ଦେଇଛନ୍ତି। ବଳରାମଙ୍କ ଭଳି ସମସ୍ତେ ସହାୟତା ଅପେକ୍ଷାରେ ଥିବା ଲୋକଙ୍କୁ ତୁରନ୍ତ ସେବା ଯୋଗାଇ ଦେବାକୁ ଶ୍ରୀ ଆଚାର୍ଯ୍ୟ ପରାମର୍ଶ ଦେଇଛନ୍ତି।</p> <p>https://youtu.be/CrKUDnb8zE0</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
