ଗାଁ ଦାଣ୍ଡରେ ଚାଲିଛି ପଥପ୍ରାନ୍ତ ନାଟକ, ଦିଆଯାଉଛି ସଚେତନତା ବାର୍ତ୍ତା

ଆସିକା (ମନୋଜ ମୁନୀ): କରୋନା ମହାମାରୀ ସମ୍ପର୍କରେ ଲୋକଙ୍କ ଭିତରେ ସଚେତନତା ସୃଷ୍ଟି କରାଯାଉଛି। ପଥପ୍ରାନ୍ତ ନାଟକ ମାଧ୍ୟମରେ ଦିଆଯାଉଛି ସଚେତନତାର ବାର୍ତ୍ତା। ମାସ୍କ ପରିଧାନ କରନ୍ତୁ ଓ ସାମାଜିକ ଦୂରତା ବଜାୟ ରଖିବାକୁ ନାଟକ ମାଧ୍ୟମରେ ବର୍ତ୍ତା ଦିଆଯାଉଛି। ଗତକାଲି ଗଞ୍ଜାମ ଜିଲ୍ଲାରେ ଏପରି ପଥପ୍ରାନ୍ତ ନାଟକ ପରିବେଷଣ କରାଯାଇଛି। ଏହା ଲୋକମାନଙ୍କ ଭିତରେ ସଚେତନତା ସୃଷ୍ଟି କରିବ ବୋଲି ଆଶା ପ୍ରକାଶ କରାଯାଉଛି।

covid
ଆସିକାରେ କରୋନା ସଚେତନତା ଶୋଭାଯାତ୍ରା କରାଯାଉଛି

ଆସିକା ବ୍ଲକ ବରଗାଁରେ ଚାଲିଛି ବୈଠକ। ଏଥିରେ ଆସିକା ତହସିଲଦାର ସାଦନନ୍ଦ ସେଠୀ, ବିଡିଓ ରୋଶନ ଶତପଥୀ, ସିଡିପିଓ ଭାରତୀ ମହାପାତ୍ର, ରାଜନେତା, ଆଶା, ଅଙ୍ଗନବାଡି, ସ୍କୁଲ ଶିକ୍ଷକ, କୋଭିଡ୍‌ ମନିଟର, SHG ଗ୍ରୁପ୍‌ର ସଦସ୍ୟମାନେ ସାମିଲ୍‌ ହୋଇଛନ୍ତି। ବୈଠକ ମହାମାରୀ କରୋନା ଉପରେ ସଚେତନତା କରାଯାଇଥିଲା। ପରେ ସମସ୍ତେ ଶୋଭାଯାତ୍ରାରେ ଗାଁ ପରିକ୍ରମା କରିଥିଲେ। କରୋନା ରୋଗୀଙ୍କ ପ୍ରତି ପରିବାର ଲୋକଙ୍କ ଦାୟିତ୍ୱ, ସଂଗରୋଧର ଉପକାରିତା, ମାସ୍କ ପରିଧାନ କରିବା ଉପରେ ସଚେତନତା କରାଯାଇଛି। ଶେଷରେ ଗାଁ ମଝିରେ ଏକ ପଥପ୍ରାନ୍ତ ନାଟକ ପରିବେଷଣ ହୋଇଥିଲା। ଲୋକମାନେ ସାମାଜିକ ଦୂରତା ବଜାୟ ରଖି ନାଟକକୁ ଉପଭୋଗ କରିଥିଲେ। ବରଗାଁର ସମିତି ସଭ୍ୟ ଶିବ ନାହାକଙ୍କ ତତ୍ତ୍ୱବଧାନରେ ଏହା ସମ୍ପାଦନ ହୋଇଥିଲା।

ମହାମାରୀ କରୋନାର ପ୍ରଥମ ଲହରରେ ଗଞ୍ଜାମର ସ୍ଥିତି ଭୟଙ୍କର ହୋଇଥିଲା। ସେହି ସମୟରେ ଦେବଦୂତ ସାଜିଥିଲେ ସମିତି ସଭ୍ୟ ଶିବ ନାହାକ। ସେ ବିଭିନ୍ନ ପଞ୍ଚାୟତରେ ବୁଲିସ ସାନିଟାଇଜ୍‌ କରିଥିଲେ। କରୋନା ବିଷୟରେ ଲୋକମାନଙ୍କ ଭିତରେ ସଚେତନତା କରିଥିଲେ। ଯେଉଁଥିପାଇଁ ସେ ଜିଲ୍ଲାର ଶ୍ରେଷ୍ଠ ସମିତି ସଭ୍ୟ ଭାବେ ପୁରସ୍କୃତ ହୋଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।