ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପାରଳାଖେମୁଣ୍ଡି (ଓଡ଼ିଶା ରିପୋର୍ଟର): ଯୁଗ ବଦଳିବା ସହ ଲୋକଙ୍କ ଆଚାର ବ୍ୟବହାର ଓ ଚାଲିଚଳଣିରେ ବହୁ ପରିବର୍ତ୍ତନ ଘଟିଛି। ଲୋକଙ୍କ ଶିକ୍ଷାଗତ ଯୋଗ୍ୟତା ବୃଦ୍ଧି ପାଇଛି। ଆଉ ପ୍ରାୟତଃ କାଁ ଭାଁ କେଉଁଠି ଅଶିକ୍ଷିତ ଲୋକ ଦେଖିବାକୁ ମିଳୁଛନ୍ତି। ହେଲେ ଏବେ ବି ଏମିତି କିଛି ଲୋକ ଅଛନ୍ତି, ଯେଉଁମାନେ ଶିକ୍ଷିତ ସମାଜରେ ରହି ମଧ୍ୟ ମଣିଷ ପଣିଆ ଭୁଲି ଯାଉଛନ୍ତି। ଆମେ କହୁଛୁ, ନବଜାତ ଶିଶୁଙ୍କୁ ଖତଗଦା, ବୁଦାମୂଳେ ପକାଇ ଦେବା କଥା। ଅତି ଅମାନବୀୟ ଭାବେ ନବଜାତ ଶିଶୁଙ୍କୁ ପକାଇ ଦିଆଯାଉଛି ଏହି ସବୁ ସ୍ଥାନରେ। ଉଦ୍ଧାର ବେଳକୁ କିଛି ଶିଶୁଙ୍କ ମୃତ୍ୟୁ ଘଟି ସାରିଥିବା ବେଳେ ଆଉ କିଛି ଗୁରୁତର ଥିବା ଦେଖିବାକୁ ମିଳୁଛି। ସଚେତନତା ସତ୍ତ୍ୱେ ଏପରି କିଛି ଲୋକ ଅଛନ୍ତି, ଯେଉଁମାନଙ୍କ ଜ୍ଞାନ ଉଦୟ ହେଉନାହିଁ। ଏପରି ସ୍ଥିତିରେ ଗଜପତି ଜିଲ୍ଲା ଶିଶୁ ସୁରକ୍ଷା ୟୁନିଟ୍‌ରେ ଏକ ଅଭିନବ ଉଦ୍ୟମ ଆରମ୍ଭ ହୋଇଛି। ଜିଲ୍ଲାର ମୁଖ୍ୟ ଚିକିତ୍ସାଳୟ ସହିତ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଦୁଇଟି ‘କ୍ରାଡ଼େଲ ବେବି ପଏଣ୍ଟ’ ସ୍ଥାପନ ହୋଇଛି। ଏଣିକି ଖତଗଦାରେ କି ବୁଦାମୂଳେ ଶିଶୁଙ୍କୁ ନ ପକାଇ ଏହି ‘ବେବି ପଏଣ୍ଟ’ରେ ରଖି ଦେବା ପାଇଁ ଲୋକଙ୍କୁ ସଚେତନ କରାଯିବାକୁ ଯୋଜନା ଚାଲିଛି। ଏହାସହ ଅଧିକରୁ ଅଧିକ କ୍ରାଡ଼େଲ ବେବି ପଏଣ୍ଟ ସ୍ଥାପନ ହେବ ବୋଲି ଜିଲ୍ଲା ଶିଶୁ ସୁରକ୍ଷା ଅଧିକାରୀ ମଧ୍ୟ କହିଛନ୍ତି।</p> <p>ଜିଲ୍ଲାରେ ଶିଶୁ ମୃତ୍ୟୁ ରୋକିବା ଏବଂ ଶିଶୁ ସୁରକ୍ଷା ପାଇଁ ନିଆଯାଇଛି ଏଭଳି ପଦକ୍ଷେପ। ବିବାହ ନ କରି ମାତୃତ୍ୱ ଲାଭ କରିଥିବା କିମ୍ବା ଅନ୍ୟ କୌଣସି କାରଣ ପାଇଁ ଶିଶୁକୁ ଫିଙ୍ଗି ଦେବାକୁ ଚାହୁଁଥିବା ବ୍ୟକ୍ତିବିଶେଷ, ପିଲାଟିକୁ କ୍ରାଡ଼େଲ ବେବି ପଏଣ୍ଟରେ ଛାଡ଼ି ଦେଇ ପାରିବେ। ଶିଶୁକୁ ବେଡ଼ରେ ଶୁଆଇ ଦେବା ପରେ କଲିଙ୍ଗ ବେଲ୍‌ ମାରିଦେଲେ ସଙ୍ଗେ ସଙ୍ଗେ କାଜୁଆଲଟି ରୁମ୍‌ରେ ଥିବା ନର୍ସ ବା ଆଟେଣ୍ଡାଣ୍ଟ ଆସି ଶିଶୁକୁ ଉଦ୍ଧାର କରିବେ।</p> <p>ଯେଉଁମାନେ ନିଜ ପିଲାକୁ ଅଲୋଡ଼ା ଭାବୁଛନ୍ତି ସେମାନେ ଅଳିଆ ଗଦା କିମ୍ବା ରାସ୍ତା କଡ଼ରେ ଫୋପାଡ଼ିବା ପରିବର୍ତ୍ତେ ଶିଶୁଟିକୁ ଏଠାରେ ଛାଡିଦେଇ ପାରିବେ।</p> <p>ସୂଚନାଯୋଗ୍ୟ, ଗତ ୨ ବର୍ଷ ମଧ୍ୟରେ ଜିଲ୍ଲାରେ ୪ଟି ଶିଶୁଙ୍କୁ ଉଦ୍ଧାର କରିଛି ଶିଶୁ ସୁରକ୍ଷ ୟୁନିଟ୍।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
