ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ସେକ୍ ନଦୀମ୍‌ ଆହତ

ପାଟକୁରା(ମନୋଜ ସ୍ୱାଇଁ): କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ଅନ୍ତର୍ଗତ ଅର୍ଜୁନପୁର ଛକରେ ଏକ ଏନକାଉଣ୍ଟର ହୋଇଛି। ଏଥିରେ ଦୁର୍ଦ୍ଦାନ୍ତ ଅପରାଧୀ ସେକ୍ ନଦୀମ୍ ଆହତ ହୋଇଛି। ତା’ ବାମ ଗୋଡ଼ରେ ଦୁଇଟି ଗୁଳି ବାଜିଛି। ଚିକିତ୍ସା ପାଇଁ ତାକୁ କଟକ ସ୍ଥାନାନ୍ତର କରାଯାଇଛି।

ନଦୀମ୍ ନିକଟରୁ ଗୋଟିଏ ପିସ୍ତଲ ସହ ଅନ୍ୟାନ୍ୟ ମାରଣାସ୍ତ୍ର ଜବତ କରାଯାଇଛି। ତା’ ସହିତ ଗୋଟିଏ ସ୍କୁଟି ଜବତ ବି ଜବତ କରାଯାଇଛି।

bike1ତା’ ନାଁରେ କେନ୍ଦ୍ରାପଡ଼ା, କଟକ ଓ ଜଗତସିଂହପୁର ଜିଲ୍ଲା ସମେତ ଅନ୍ୟ କିଛି ଅଞ୍ଚଳରେ ୧୪ରୁ ଅଧିକ ମାମଲା ରହିଛି।

ଆଜି ଭୋର୍‌ରେ ନଦୀମ୍‌ ତା’ର ଜଣେ ସହଯୋଗୀକୁ ବନ୍ଧୁକ ଦେବାକୁ ନିଜ ଗାଁ କ୍ରିଷ୍ଣାନନ୍ଦପୁରକୁ ଆସିଥିଲା। ପୁଲିସ୍‌ ଏନେଇ କୌଣସି ସୂତ୍ରରୁ ଖବର ପାଇଥିଲା। ଏହା ପରେ ସ୍ପେଶାଲ୍‌ ସ୍କ୍ୱାଡ୍‌  ଓ ପାଟକୁରା ଥାନା ପୁଲିସ୍‌ ସେଠାରେ ପହଞ୍ଚି ତାକୁ ଧରିବାକୁ ଉଦ୍ୟମ କରିଥିଲେ। ତେବେ ନଦୀମ୍ ପୁଲିସ୍ ଉପରକୁ ଗୁଳି ଚଳାଇ ଖସି ଯିବାକୁ ପ୍ରୟାସ କରିଥିଲା। ତେବେ ପୁଲିସ୍‌ ଏହାର ଜବାବ ଦେଇଥିଲା। ପୁଲିସ୍‌ ଗୁଳିରେ ନଦୀମ୍ ଆହତ ହୋଇଥିଲା।