ଘରେ ପଶିଗଲା କୁମ୍ଭୀର

<p>ମାଲକାନଗିରି: ଘରେ ପଶିଗଲା କୁମ୍ଭୀର। ଘଟଣାଟି ଘଟିଛି ମାଲକାନଗିରି ସଦର ମହକୁମା ନିକଟସ୍ଥ ମୁନସା ଗାଁରେ। ଗତକାଲି ବିଳମ୍ବିତ ରାତିରେ ଗାଁର ଦଶରଥ ମାଡ଼କାମୀ ନିଜ ପରିବାର ସହ ଶୋଇଥିବା ବେଳେ ତାଙ୍କ ଘରେ ଏକ କୁମ୍ଭୀର ପଶିଯାଇଥିଲା। କୁମ୍ଭୀରଟି ତାଙ୍କ ଶୋଇବା ଘର ଭିତରେ ପଶି ଯାଇଥିଲା। ରାତି ପ୍ରାୟ ୩ଟା ବେଳେ ନିଦ ଭାଙ୍ଗିବାରୁ ସେ କୁମ୍ଭୀରଟିକୁ ଦେଖିଲେ। ଭୟରେ ସେ ନିଜର ଦୁଇ ଝିଅକୁ ଭାଡ଼ି ଉପରେ ଚଢ଼ାଇ ଦେଇ ସେ ସ୍ତ୍ରୀଙ୍କ ସହିତ ବାହାରକୁ ଚାଲି ଆସିଲେ। ସେମାନେ ଗାଁ ଲୋକଙ୍କୁ ଡାକିଥିଲେ। ଗ୍ରାମବାସୀ ଘରର ଆଜ୍&zwnj;ବେଷ୍ଟସ ଭାଙ୍ଗି ତାଙ୍କ ଦୁଇ ଝିଅଙ୍କୁ ଉଦ୍ଧାର କରିଥିଲେ। ତା&rsquo;ପରେ ସେମାନେ କୁମ୍ଭୀରଟିକୁ ବାହାରକୁ ଆଣି ରଶି ସାହାଯ୍ୟରେ ଏକ ଗଛରେ ବନ୍ଧି ଦେଇଥିଲେ।</p> <p>କୁମ୍ଭୀରଟିର ଲମ୍ବ ପ୍ରାୟ ୧୦ରୁ ୧୨ ଫୁଟ୍ ହେବ। କୁମ୍ଭୀରଟି ନିକଟସ୍ଥ ସତୀଗୁଡ଼ା ଡ୍ୟାମରୁ ଚାଲି ଆସିଥିବା ଅନୁମାନ କରାଯାଉଛି।</p> <p>ଏ ଘଟଣା ପରେ ସ୍ଥାନୀୟ ଲୋକେ ଡରି ଯାଇଛନ୍ତି।&nbsp; କିଛି ଦିନ ହେବ ଗାଁରୁ ଛେଳି ଓ କୁକୁଡ଼ା ଉଭାନ ହୋଇଯାଉଥିଲା। ଲୋକେ ଆଶଙ୍କା କରୁଛନ୍ତି ଯେ ଏଇ କୁମ୍ଭୀର ହୁଏତ ସେମାନଙ୍କୁ ଖାଇଯାଇଛି।</p>