କଟକ (ଓଡ଼ିଶା ରିପୋର୍ଟର): ଆଗକୁ ଦୁର୍ଗାପୂଜା, କାଳୀପୂଜା ଓ ଲକ୍ଷ୍ମୀପୂଜା ଆଦି ଆସୁଥିବା ବେଳେ କରୋନାକୁ ଦୃଷ୍ଟିରେ ରଖି ସରକାର କିଛି ଦିନ ତଳେ ଗାଇଡ୍ଲାଇନ୍ ଜାରି କରିଥିଲେ। ଏଥିରେ ମଣ୍ଡପ ଗୁଡ଼ିକରେ ହେଉଥିବା ପୂଜାଗୁଡ଼ିକ ପାଇଁ ବିଭିନ୍ନ କଟକଣା ଜାରି କରାଯାଇଛି। ସେଥିରେ ଥିବା ବିଭିନ୍ନ କଟକଣା ମଧ୍ୟରୁ ଦୁଇଟି ହେଉଛି- ମୂର୍ତ୍ତିଗୁଡ଼ିକା ଉଚ୍ଚତା ୪ ଫୁଟ୍ରୁ କମ୍ ରହିବ। ସେହିପରି ମଣ୍ଡପର ତିନି ପାର୍ଶ୍ୱ ସଂପୂର୍ଣ୍ଣ ବନ୍ଦ ରହିବ ଓ ଚତୁର୍ଥ ପାର୍ଶ୍ୱ ଆଂଶିକ ବନ୍ଦ ରହିବ। ତେବେ ଏହାକୁ ଅନେକ ଗ୍ରହଣ କରିପାରିନାହାନ୍ତି।
ଏହାକୁ ବିରୋଧ କରି କଟକର ବାଲୁ ବଜାର ପୂଜା କମିଟି ହାଇକୋର୍ଟଙ୍କ ଦ୍ୱାରସ୍ଥ ହୋଇଥିବା ବେଳେ କଂଗ୍ରେସ ନେତା ତଥା କଟକ-ବାରବାଟି ବିଧାୟକ ମହମ୍ମଦ ମୋକିମ୍ ଏନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି।
ଛୋଟମୂର୍ତ୍ତି ଓ ପରଦାଟାଣି ପୂଜା କରିବା ନେଇ ସରକାର ଯେଉଁ ନିଷ୍ପତ୍ତି ନେଇଛନ୍ତି, ତାକୁ ପ୍ରତ୍ୟାହାର କରି ନେବାକୁ ସେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଦାବି କରିଛନ୍ତି।
ସେ ଲେଖିଛନ୍ତି, କଟକ ସହରର ଦୁର୍ଗାପୂଜା ୫ ଶହ ବର୍ଷର ପୁରୁଣା ସଂସ୍କୃତି ଓ ପରମ୍ପରା। ତେଣୁ ଏହିଭଳି ଏକ ସର୍ବସାଧାରଣଙ୍କ ପାର୍ବଣରେ ଛୋଟ ମୂର୍ତ୍ତି ନିର୍ମାଣ ଓ ପରଦାଟାଣି ପୂଜା ଭଳି ନିଷ୍ପତ୍ତି ଠିକ୍ ନୁହେଁ।
ଏହା ସହିତ କୋଭିଡ୍ କଟକଣା ସହ ପାରମ୍ପରିକ ରୀତିରେ ପୂଜା ପାଇଁ ଅନୁମତି ଦେବାକୁ ମୋକିମ୍ ତାଙ୍କ ଚିଠିରେ ଦାବି କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
