ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ (ଓଡ଼ିଶା ରିପୋର୍ଟର): କମିଶନରେଟ୍ ପୋଲିସ ପଞ୍ଛାରେ ପଲିଟିକାଲ ଲେଡି ଡନ୍। ଦୁର୍ଦ୍ଦାନ୍ତ ଡି-ବ୍ରଦର୍ସଙ୍କ ସହ କ୍ରାଇମ୍ ଲିଙ୍କ୍ ଓ ହତ୍ୟା ଷଡ଼ଯନ୍ତ୍ର ଅଭିଯୋଗରେ ଗିରଫ ହୋଇଛନ୍ତି କଟକ ମହାନଗର ନିଗମ(ସିଏମ୍‌ସି) ୭ ନମ୍ବର ଓ୍ୱାର୍ଡର ବିଜେଡି କର୍ପୋରେଟର ରଂଜିତା ବିଶ୍ୱାଳ। ଗିରଫ ପରେ ରଞ୍ଜିତାଙ୍କ ବିରୋଧରେ ପୋଲିସ କରିଛି ବହୁ ଚାଞ୍ଚଲ୍ୟକର ଖୁଲାସା। ଡି- ବ୍ରଦର୍ସଙ୍କ ଟାର୍ଗେଟ୍‌ରେ ଥିବା ୪ ଜଣଙ୍କୁ ହତ୍ୟା ପାଇଁ ସୁପାରୀ କିଲରକୁ ରଞ୍ଜିତା ଦେଇଥିଲେ ୩ଟି ମାଉଜର ଓ ୬୦ ରାଉଣ୍ଡ ଗୁଳି। ଜେଲ୍ ଭିତରେ ଥାଇ ସୁଶାନ୍ତ ଧଳ ସାମନ୍ତ ତିଆରି କରିଥିଲା ମର୍ଡର ପ୍ଲାନ୍। ଯେଉଁଥିରେ ଟାର୍ଗେଟରେ ଥିଲେ ବାଲି ଘାଟ ମାଲିକ ବିଜନ ପାଲଙ୍କ ସହ ୪ ଜଣ। ସେମାନଙ୍କ ମଧ୍ୟରେ ଜଣେ ରାଜନେତା ଓ ଜଣେ ପୋଲିସ ଅଧିକାରୀ ଥିବା ଚର୍ଚ୍ଚା ହେଉଛି। ଆଉ ସେହି ଷଡ଼ଯନ୍ତ୍ରକୁ ପ୍ଲାନ ଆଉଟ୍ କରୁଥିଲେ ରଞ୍ଜିତା। ଗତ ସପ୍ତାହରେ ବିଜନ ପାଲଙ୍କ ଉପରରେ ହୋଇଥିଲା ଗୁଳି ମାଡ଼ ଘଟଣାରେ ଗିରଫ ୨ ଦୁର୍ଦ୍ଦାନ୍ତ ଅପରାଧୀଙ୍କୁ ଜେରା ବେଳେ ରଞ୍ଜିତାଙ୍କ ବିରୋଧରେ ଠୋସ୍ ପ୍ରମାଣ ପାଇଥିଲା ପୋଲିସ୍।</p> <p><a href="">(image) </a>ଡି-ଗ୍ୟାଙ୍ଗ ସହ କର୍ପୋରେଟର ରଞ୍ଜିତା ବିଶ୍ୱାଳଙ୍କର ରହିଛି ପୁରୁଣା ସମ୍ପର୍କ। ଏମିତିକି ଜେଲ୍ ଯିବା ପୂର୍ବରୁ ସୁଶିଲ ଧଳସାମନ୍ତ ଗଢିଥିବା କଟକ ନଗର ଯୁବକ ସଂଘର ସହ ସମ୍ପାଦିକା ଥିଲେ ରଞ୍ଜିତା। ସଂଘର ବହୁ କାର୍ଯ୍ୟକ୍ରମରେ ସାମିଲ ହେଉଥିଲେ ଓ ସୁଶିଲର ପାଖେ ପାଖେ ରହୁଥିଲେ। ତେବେ ଡି-ବ୍ରଦର୍ସ ଜେଲ୍ ଯିବା ପରେ ତାଙ୍କ ସହ ଗୁପ୍ତରେ ଚାଲୁଥିଲା କ୍ରାଇମ ପ୍ଲାନ। ଯାହା ଆଜି ପର୍ଦ୍ଦାଫାସ୍ ହୋଇଛି।</p> <p>https://youtu.be/uLPtSqTm4vU</p> <p>ଡି-ଲିଙ୍କରେ ଗିରଫ ହେବା ପରେ କର୍ପୋରେଟର ରଂଜିତା ବିଶ୍ୱାଳଙ୍କୁ ଦଳରୁ ବିଦା କରିଛି ବିଜେଡି। ଦଳ ବିରୋଧୀ କାର୍ଯ୍ୟ ଓ ଅସାମାଜିକ ତତ୍ତ୍ୱଙ୍କ ସହ ସଂପର୍କ ପାଇଁ ତାଙ୍କୁ ଦଳର ପ୍ରାଥମିକ ସଭ୍ୟ ପଦରୁ ବହିଷ୍କୃତ କରାଯାଇଛି।</p> <p><a href="http://odishareporter.in/wp-content/uploads/2018/03/cuttack-crime12.jpg">(image) </a></p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
