ମନ୍ତ୍ରୀ ସୁଶାନ୍ତ ସିଂଙ୍କ ଗୁମର ଖୋଲିଲେ ଦାମୋଦର: କହିଲେ- ନବୀନଙ୍କୁ ଗାଦିଚ୍ୟୁତ କରିବାକୁ ସ୍ୱସ୍ତିପ୍ଲାଜାରେ ଲୁଚିଥିଲେ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): &lsquo;ବନ୍ଦେ ଉତ୍କଳ ଜନନୀ&rsquo; ସଂଗୀତରେ &lsquo;ଉତ୍କଳ&rsquo; ଶବ୍ଦ ପରିବର୍ତ୍ତନ ପାଇଁ ମନ୍ତ୍ରୀ ସୁଶାନ୍ତ ସିଂ କହିଥିଲେ। ଏହାକୁ ନେଇ ବିବାଦ ଥମିବାର ନାଁ ଧରୁନି। ଜଣେ ପରେ ଜଣେ ନେତା ମୁହଁ ଖୋଲୁଥିବା ବେଳେ ଗତକାଲି ମନ୍ତ୍ରୀ ସୁଶାନ୍ତ ସିଂଙ୍କ ସପକ୍ଷରେ ବାହାରିଥିଲା &lsquo;କୋଶଳ ରାଜ୍ୟ ସମନ୍ୱୟ ସମିତି&rsquo;। କିନ୍ତୁ ଆଜି ଏହାକୁ ନାପସନ୍ଦ କରିଛନ୍ତି ବିଜେଡିର ବରିଷ୍ଠ ବିଧାୟକ ତଥା ପୂର୍ବତନ ମନ୍ତ୍ରୀ ଦାମୋଦର ରାଉତ। ସେ କହିଛନ୍ତି, ଓଡ଼ିଶା ରାଜନୀତିରେ ତାଙ୍କର (ସୁଶାନ୍ତଙ୍କର) ବିଶେଷ କିଛି ଦଖଲ ନାହିଁ। ଗତଥର ସେ ନବୀନ ପଟ୍ଟନାୟକଙ୍କୁ ଗାଦିଚ୍ୟୁତ କରିବା ପାଇଁ, ପ୍ୟାରୀମୋହନ ମହାପାତ୍ରଙ୍କ କଥାରେ ସ୍ୱସ୍ତିପ୍ଲାଜାରେ ଲୁଚିଥିଲେ।</p><p>ଦାମୋଦରଙ୍କ ଏହି ମନ୍ତବ୍ୟକୁ ନେଇ ଓଡ଼ିଶା ରାଜନୀତିରେ ହଇଚଇ ସୃଷ୍ଟି ହୋଇଛି। ନବୀନ ପଟ୍ଟନାୟକଙ୍କ ମନ୍ତ୍ରିମଣ୍ଡଳର ଜଣେ ମନ୍ତ୍ରୀ କିଭଳି ସେଇ ନବୀନ ପଟ୍ଟନାୟକଙ୍କୁ ଗାଦିଚ୍ୟୁତ କରିବାକୁ ଦିନେ ଷଡ଼ଯନ୍ତ୍ରରେ ସାମିଲ୍ ଥିଲେ, ଏ ସଂପର୍କରେ ଦାମୋଦର ଗୁମର ଖୋଲିଛନ୍ତି। ପଢ଼ନ୍ତୁ କ&rsquo;ଣ କହିଛନ୍ତି ଦାମୋଦର।</p><p>ଦାମୋଦର କହିଛନ୍ତି- &lsquo;ବନ୍ଦେ ଉତ୍କଳ ଜନନୀ&rsquo;କୁ ନେଇ ବିବାଦ କିଛି ନାହିଁ। ମନ୍ତ୍ରିମଣ୍ଡଳରେ ଯେଉଁମାନେ ରହିବେ, ସେମାନେ ଦାୟିତ୍ୱବୋଧ ସହ ମନ୍ତବ୍ୟ ଦେବେ। କାନ୍ତକବି ଲକ୍ଷ୍ମୀକାନ୍ତ ମହାପାତ୍ର ଦେଶ ସ୍ୱାଧୀନତା ପ୍ରାପ୍ତି ପୂର୍ବରୁ &lsquo;ବନ୍ଦେ ଉତ୍କଳ ଜନନୀ&rsquo; ଲେଖିଥିଲେ। ଏହାକୁ ରାଜ୍ୟ ସଂଗୀତର ମାନ୍ୟତା ଦେବା ସଂପର୍କିତ ପ୍ରସ୍ତାବକୁ ପୂର୍ବତନ ବାଚସ୍ପତି ଶରତ କର ବିଧାନସଭାରେ ଗୃହୀତ କରିଥିଲେ। ସେଥିପାଇଁ ରାଜ୍ୟ ସଂଗୀତର ସମ୍ମାନ ଦିଆଯାଉଛି। ଗୀତଟି ବଡ଼ ଥିବାରୁ ତାହାକୁ ଛୋଟ କରିବା ପାଇଁ ବିଶିଷ୍ଟ ସଂଗୀତ ନିର୍ଦ୍ଦେଶକ ଶାନ୍ତନୁ ମହାପାତ୍ରଙ୍କୁ ଦାୟିତ୍ୱ ଦିଆଯାଇଥିଲା। ସେ କାନ୍ତକବି ଲକ୍ଷ୍ମୀକାନ୍ତ ମହାପାତ୍ରଙ୍କ ପୁତ୍ର ନିତ୍ୟାନନ୍ଦ ମହାପାତ୍ରଙ୍କଠାରୁ ଅନୁମତି ନେଇ ଏଡିଟ୍&zwnj; କରିଥିଲେ। ୧ ମିନିଟ୍&zwnj; ୪୯ ସେକେଣ୍ଡରେ &lsquo;ବନ୍ଦେ ଉତ୍କଳ ଜନନୀ&rsquo;କୁ ଗାନ କରାଯିବାକୁ ସ୍ଥିର କରାଯାଇଥିଲା। କିନ୍ତୁ ରାଜ୍ୟ ସରକାର ଏହାକୁ ନୋଟିଫାଏ କଲେନାହିଁ। ଏହା ସତ୍ତ୍ୱେ ସଭା ସମିତିରେ &lsquo;ବନ୍ଦେ ଉତ୍କଳ ଜନନୀ&rsquo;କୁ ରାଜ୍ୟର ଜାତୀୟ ସଂଗୀତ ଭାବେ ଗାନ କରାଯାଉଛି। ଏପରି ସ୍ଥିତିରେ ଜଣେ ଦାୟିତ୍ୱବାନ ମନ୍ତ୍ରୀ କହୁଛନ୍ତି &lsquo;ଉତ୍କଳ&rsquo; ଶବ୍ଦଟିକୁ ପରିବର୍ତ୍ତନ କରିବାକୁ।&rdquo;</p><p>ଦାମୋଦର ଆହୁରି ମଧ୍ୟ କହିଛନ୍ତି- &ldquo;ଉତ୍କଳ କହିଲେ କଟକ, ପୁରୀ, ବାଲେଶ୍ୱରକୁ ବୁଝାଏ ନାହିଁ। ଓଡ଼ିଶାର ନାଁ ବିଭିନ୍ନ ସମୟରେ ହୋଇଛି। ଆମ ରାଜ୍ୟର ଲୋକେ ନୌବାଣିଜ୍ୟ କରିବା ପାଇଁ ଇଣ୍ଡୋନେସିଆ, କାମ୍ୱୋଡିଆ ଓ ଜାପାନ ଯାଉଥିଲେ। ସେତେବେଳେ ଆମ ରାଜ୍ୟକୁ କଳିଙ୍ଗ କୁହାଯାଉଥିବା ବେଳେ ଲୋକଙ୍କୁ &lsquo;କଳିଙ୍ଗା ସାହସିକା&rsquo; କୁହାଯାଉଥିଲା। ପରବର୍ତ୍ତୀ ସମୟରେ ରାଜାମାନେ ରାଜଧାନୀ ନାଁରେ ସେମାନଙ୍କ ଅଞ୍ଚଳକୁ ନାମିତ କଲେ। ଆମ ରାଜ୍ୟର ଉତ୍କର୍ଷ କଳା ପାଇଁ &lsquo;ଉତ୍କଳ&rsquo; କୁହାଯାଉଛି। ସେତେବେଳେ କଟକ, ପୁରୀ ଓ ବାଲେଶ୍ୱର ନଥିଲା। ସେଥିପାଇଁ ବଡ଼ ବଡ଼ ଲୋକେ କହିଛନ୍ତି, ଯେଉଁ ବ୍ୟକ୍ତି ବର୍ତ୍ତମାନ ଉପରେ ଦଣ୍ଡାୟମାନ ହୋଇ ନିଜର ଅତୀତକୁ ସ୍ମରଣ ନକରି ଆଗକୁ ପାଦ ବଢ଼ାଇବ ସେ ଝୁଣ୍ଟିପଡ଼ିବ। ସାଧାରଣ ଲୋକ ହୁଏତ ଝୁଣ୍ଟିପାରେ। ଯଦି ମନ୍ତ୍ରୀମାନେ ବିବାଦୀୟ ମନ୍ତବ୍ୟ ଦେଇ ଆଞ୍ଚଳିକବାଦ ସୃଷ୍ଟି କରି ରାଜ୍ୟକୁ ଖଣ୍ଡ ଖଣ୍ଡ କରିବା ପାଇଁ ବକ୍ତବ୍ୟ ଦିଅନ୍ତି ତାକୁ କେମିତି ସହିହେବ? ସାମ୍ୱିଧାନୀକ ପଦ ପଦବୀରେ ଥିବା ବ୍ୟକ୍ତିମାନେ ଆଚରଣ ଓ ଉଚ୍ଚାରଣ ସୁଦ୍ଧ ହେବା ଦରକାର ଏବଂ ସମ୍ୱିଧାନ ସମ୍ମତ ହେବା ଦରକାର। ସମ୍ୱିଧାନ ସମ୍ମତ ନହୋଇଥିବା, ଆଞ୍ଚଳିକ ବାଦ ସୃଷ୍ଟି କରୁଥିବା ବ୍ୟକ୍ତିମାନେ ଉଚିତ କାମ କରୁନାହାନ୍ତି। ସେମାନଙ୍କ ପ୍ରତି ନଜର ଦିଆଯିବା ଦରକାର।&rdquo;</p><p>ଦାମୋଦର ପୁଣି କହିଛନ୍ତି- &ldquo;ମୋର ସେହି ମନ୍ତ୍ରୀଙ୍କ ସହିତ ଭଲ ଭାବରେ ଚିହ୍ନା ପରିଚିୟ ନାହିଁ। ନବୀନ ପଟ୍ଟନାୟକଙ୍କୁ ଗାଦିଚ୍ୟୁତ କରିବା ପାଇଁ ଗତଥର ନିର୍ବାଚିତ ହୋଇ ପ୍ୟାରୀମୋହନ ମହାପାତ୍ରଙ୍କ କଥାରେ ସେ ସ୍ୱସ୍ତିପ୍ଲାଜାରେ ଲୁଚି ରହିଥିଲେ। ସେତେବେଳେ ମୁଁ ଏ ସମ୍ପର୍କରେ ଜାଣିପାରି ପ୍ରସନ୍ନ ଆଚାର୍ଯ୍ୟଙ୍କୁ କହିଥିଲି। ସେ ତାଙ୍କୁ ବାହାର କରିଥିଲେ। ତେଣୁ ତାଙ୍କ ସହିତ ମୋର ବିଶେଷ କିଛି ପରିଚୟ ନାହିଁ। ଓଡ଼ିଶା ରାଜନୀତିରେ ମଧ୍ୟ ତାଙ୍କର ବିଶେଷ କିଛି ଦଖଲ ନାହିଁ। ନବୀନ ପଟ୍ଟନାୟକଙ୍କ ଲୋକପ୍ରିୟତା ଯୋଗୁଁ ସେ ଯେତେବେଳେ ଆଉଥରେ ଜିତି ଆସି ମନ୍ତ୍ରୀ ହେଲେ। ସିଏ ମନ୍ତ୍ରୀ ହୁଅନ୍ତୁ, ମୋର ଈର୍ଶା କରିବାର ନାହିଁ। କିନ୍ତୁ ସେମାନେ ରାଜ୍ୟର ହିତ ପାଇଁ କାମ କରିବା ଦରକାର। ରାଜ୍ୟର ସ୍ୱାର୍ଥକୁ ତଳିତଳାନ୍ତ କରି କ୍ଷମତା ଭୋଗ କରିବା ଉଚିତ ନୁହେଁ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।