ସାଙ୍ଘାତିକ ଶିକାରୀ: ହାତ ନାହିଁ, କିନ୍ତୁ ବନ୍ଧୁକର ଲକ୍ଷ୍ୟ ଫେଲ୍‌ ମାରେନା

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ହାତରେ ପାପୁଲି ନାହିଁ। ମୁହଁ ଦେଖିଲେ ଭାରି ସରଳ ଲାଗୁଛି। କିନ୍ତୁ ତାର ସେହି ସରଳ ମୁହଁ ତଳେ ଲୁଚି ରହିଥିଲା ଏକ ଉଗ୍ର ରୂପ। ଯାହାକୁ ସହଜରେ କେହି ବିଶ୍ୱାସ କରିପାରୁନଥିଲେ। ଏହା ସୁଯୋଗ ନେଇ ଦିବ୍ୟାଙ୍ଗ ଜଣକ ଘଞ୍ଚ ଜଙ୍ଗଲ ଭିତରେ କରୁଥିଲା ଶିକାର। ମାତ୍ର ବନ ବିଭାଗ ସୁରାଗ ପାଉନଥିଲା। ଗତକାଲି ରାତିରେ ଏପରି ଜଣେ ଦିବ୍ୟାଙ୍ଗ ଶିକାରୀଙ୍କୁ ବନ ବିଭାଗ ଚନ୍ଦକା ଡମପଡ଼ା ଅଭୟାରଣ୍ୟରୁ ଗିରଫ କରିଛି। ସେ ହେଉଛନ୍ତି ବିଷ୍ଣୁ ପ୍ରଧାନ। ଅନ୍ଧାରର ସୁଯୋଗ ନେଇ ଖସି ଯାଇଥିଲେ ତାଙ୍କ ସଥୀ।</p> <p>ବିଷ୍ଣୁ ପ୍ରଧାନ ଜଣେ ଦିବ୍ୟାଙ୍ଗ। ପାପୁଲି ନାହିଁ। କିନ୍ତୁ ବନ୍ଧୁକ ଚାଳନାରେ ବେଶ୍&zwnj; ପରଙ୍ଗମ। ଜଙ୍ଗଲରୁ ଶିକାର କରି ବନ ବିଭାଗକୁ ଚକମା ଦେଇ ବାରମ୍ବାର ଖସି ଯାଉଥିଲା। ସବୁଥର ପର ଗତକାଲି ରାତିରେ ଦୁଇ ଜଣ ସାଥୀଙ୍କ ସହିତ ଶିକାର କରିବାକୁ ଯାଇଥିଲେ ବିଷ୍ଣୁ। ମାତ୍ର ରାତିରେ ପାଟ୍ରୋଲିଂ କରୁଥିବା ବନ ବିଭାଗ ହାତରୁ ସେ ଖସି ପାରିନଥିଲେ। ବନ ବିଭାଗକୁ ଦେଖି ବିଷ୍ଣୁଙ୍କ ଦୁଇ ସାଥୀ ଦୌଡ଼ି ପଳାଇ ଯାଇଥିଲେ। ପାଚେରୀ ଚଢ଼ି ନ ପାରିବାରୁ ଧରା ପଡ଼ି ଯାଇଥିଲେ ବିଷ୍ଣୁ। &nbsp;ବନ ବିଭାଗ ତାଙ୍କୁ ଗିରଫ କରିବା ସହିତ ଗୋଟିଏ ଦେଶୀ ବନ୍ଧୁକ ଜବତ କରିଥିଲା। ଫେରାର ସାଥୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଛି ବନ ବିଭାଗ।</p> <p>ବିଷ୍ଣୁ କଲମରେ ଖାଲି ଦସ୍ତଖତ କରୁନାହାନ୍ତି, ବନ୍ଧୁକ ଚାଳନା ଓ ଭାରି ଯାନ ଚଳାଇବାରେ ମଧ୍ୟ ବେଶ ଦକ୍ଷ। ଅଭୟାରଣ୍ୟ ଭିତରେ ପଶି ବହୁବାର ପଶୁ ଶିକାର କରିଥିବା ଭଳି ଅଭିଯୋଗ ତା ନାଁରେ ରହିଛି। ଚନ୍ଦକା ଅଞ୍ଚଳର ବାସିନ୍ଦା ହୋଇଥିବାରୁ&nbsp; ଅଭୟାରଣ୍ୟର ଭୌଗୋଳିକ ସ୍ଥିତି ତାକୁ ଜଣା। ଶିକାର କରିବା ପରେ ଗଳାବାଟ ଦେଇ ଖସିଆସେ। ଏବେ ବିଷ୍ଣୁଙ୍କର ଖୋଲିବ ଅପରାଧ ଫାଇଲ। ଏପଟେ ଫେରାର ହୋଇଥିବା ଅନ୍ୟ ଦୁଇ ଜଣ ସାଥୀ ଚଗଲା ଓ&nbsp; ଅଜୁକୁ ଜଙ୍ଗଲ ବିଭାଗ ଖୋଜୁଛି।&nbsp; ହରିଣ, ବାରାହା ଆଦି ପଶୁ ମାଂସ ବିକ୍ରି କରି ବେଶ ଅର୍ଥ ରୋଜଗାର କରୁଥିଲେ ଏମାନେ।</p>