ପୁଣି ବାଣ ଛାଡିଲେ ଦାମ: ପାଣ୍ଡିଆନଙ୍କୁ କହିଲେ କିରାଣି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି କାର୍ତ୍ତିକେୟନ ପାଣ୍ଡିଆନଙ୍କୁ କଟାକ୍ଷ କରିଛନ୍ତି ବରିଷ୍ଠ ବିଜେଡି ନେତା ଦାମୋଦର ରାଉତ। ପାଣ୍ଡିଆନ ଛାୟା ମୁଖ୍ୟମନ୍ତ୍ରୀ ଭୂମିକାରେ ଅଛନ୍ତି କି ବୋଲି ପ୍ରଶ୍ନ ଶୁଣି ସେ (ପାଣ୍ଡିଆନ) କିଏ ବୋଲି ପଲଟା ପ୍ରଶ୍ନ କରିଛନ୍ତି ଦାମ। ଏହାସହ ସେ ପାଣ୍ଡିଆନଙ୍କୁ ଜଣେ କିରାଣି କହିବା ସହ ତାଙ୍କ ପାଖରେ ମୋର କିଛି କାମ ନାହିଁ ବୋଲି କହିଛନ୍ତି।</p><p>ସେ କହିଛନ୍ତି, &ldquo;ମୁଖ୍ୟମନ୍ତ୍ରୀଙ୍କ ଅଫିସ୍&zwnj;ରେ ୫୦ଲୋକରୁ ଅଧିକ କାମ କରୁଛନ୍ତି। ସେମାନଙ୍କ ମଧ୍ୟରେ ସେ ଜଣେ ହୋଇଥିବେ। ତାଙ୍କୁ ଏତେ ଗୁରୁତ୍ୱ କାହିଁକି ଦେଉଛନ୍ତି। ରାଜ୍ୟର ଭଲ ମନ୍ଦ ରାଜା ମୁଣ୍ଡରେ ଯାଇଥାଏ। ଆମ ରାଜ୍ୟର ରାଜା ହେଉଛନ୍ତି ନବୀନ ପଟ୍ଟନାୟକ। ତାଙ୍କ ଅଫିସ୍&zwnj;ରେ ଯଦି ଏମିତି କେହି ଲୋକ ଅଛି ଯିଏ ରାଜ୍ୟକୁ ଛାରଖାର କରୁଛନ୍ତି ବୋଲି ବୈଜୟନ୍ତ ପଣ୍ଡା ଭାବୁଛନ୍ତି, ଦଳରେ ଥିବା ବେଳେ ବିରୋଧ କରୁ ନଥିଲେ କାହିଁକି। ସେ ମୁଖ୍ୟମନ୍ତ୍ରୀଙ୍କର ଏକାନ୍ତ ଅନ୍ତରଙ୍ଗ ଥିଲେ। ଯଦି ଏମିତି କେହି ଅଛି ବୋଲି ଜାଣିଲେ, ତେବେ ମୁଖ୍ୟମନ୍ତ୍ରୀଙ୍କୁ କହିଲେନି, ଏହି ଲୋକଟି ଖରାପ କରୁଛି, ତାଙ୍କୁ ବାହାର କରନ୍ତୁ। ମୁଖ୍ୟମନ୍ତ୍ରୀଙ୍କ ବିରୋଧରେ କିଛି ନ କହି ଜଣେ ଅଫିସର ବିରୋଧରେ ଯାହା କହୁଛନ୍ତି, ଏଥିରୁ ତାଙ୍କ ମହତ ପଣିଆ ଜଣାପଡୁଛି।&rdquo;</p><p>ସେ ଆହୁରି କହିଛନ୍ତି, &ldquo;ଓଡ଼ିଶା ସେକ୍ରେଟାରିଏଟରେ ୪ ହଜାର କର୍ମଚାରୀ ଅଛନ୍ତି। ତା&rsquo; ଭିତରେ କାଣ୍ଡିଆନ ଜଣେ ହୋଇଥିବେ। ମୁଁ ତାଙ୍କୁ କେବେ ଦେଖିନି କି ଚିହ୍ନିନି। ତାଙ୍କ ସହ ମୋର କେବେ ଦେଖା ହୋଇନି।&rdquo;</p><p>&lt;span style=&quot;color: #ff0000;&quot;&gt;ବୈଜୟନ୍ତ ବ୍ୟସ୍ତ ହେଉଛନ୍ତି&lt;/span&gt;</p><p>ଏହି ଅବସରରେ ଦାମ, ସାଂସଦ ବୈଜୟନ୍ତ ପଣ୍ଡାଙ୍କୁ ମଧ୍ୟ ସମାଲୋଚନା କରିଛନ୍ତି। ସେ କହିଛନ୍ତି, &lsquo;&lsquo;ବୈଜୟନ୍ତ ପଣ୍ଡା ଯଦି କୋଟରୀରେ ମେମ୍ବର ଥିବେ, ତାଙ୍କ ମେମ୍ବରସିପ୍&zwnj; ଚାଲିଯିବା ପରେ ସେ ବ୍ୟସ୍ତ ହେଉଛନ୍ତି। ମୁଖ୍ୟମନ୍ତ୍ରୀଙ୍କ ଚାରିପାଖରେ କୋଟରୀ ଥିବା ମୁଁ କେବେ ଦେଖିନାହିଁ। ବିଜୁ ଜନତା ଦଳ ଏକ ଆଞ୍ଚଳିକ ଦଳ। ନବୀନ ପଟ୍ଟନାୟକ ଏହାର ମୁଖ୍ୟ। ଏଠାରେ ହାଇକମାଣ୍ଡ ନାହିଁ କି କୋଟରୀ ନାହିଁ।&rdquo;</p><p>ମୁଖ୍ୟମନ୍ତ୍ରୀଙ୍କୁ କେହି ସିଧାସଳଖ ଦେଖା କରିପାରୁ ନଥିବା ଅଭିଯୋଗକୁ ଖଣ୍ଡନ କରିଛନ୍ତି ଦାମ। ସେ କହିଛନ୍ତି, &ldquo;ମହାନଦୀ ମହାସଂଗ୍ରାମ ପାଇଁ ମୁଁ ମୁଖ୍ୟମନ୍ତ୍ରୀଙ୍କୁ ଭେଟି ଆଲୋଚନା କରିଥିଲି। ଦେଖା କରିବାରେ କିଛି ତ ଅସୁବିଧା ହେଲାନାହିଁ। ତାଙ୍କ (ବୈଜୟନ୍ତ ପଣ୍ଡା) ମନ କାହିଁକି ଡରାଉଛି, ତାଙ୍କ ଭିତରେ କ&rsquo;ଣ ଅଛି ମୁଁ କେମିତି କହିବି।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।