ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ‘କହିଲେ ଦେଖି, ବ୍ରାହ୍ମଣମାନେ ଦାନ ଦକ୍ଷିଣା ନିଅନ୍ତି ନା ନାହିଁ? ଏଇ କଥା ମୁଁ କହିଦେଲି ବୋଲି ମୋ ଚାକିରି ଚାଲିଗଲା।’ ବିଜେଡିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କ ଏ କଥା ଶୁଣି, ପାଖରେ ଛିଡ଼ା ହୋଇଥିବା ବରିଷ୍ଠ କଂଗ୍ରସ ନେତା ସୁର ରାଉତରାୟ ମାଇକ୍ରୋଫୋନ୍‌ ଛଡାଇନେଲେ। ଆଉ କହିଲେ- “ ଦାମ ଭାଇ ସତ କହିଛନ୍ତି, ସେଥିପାଇଁ କିଛି ଖାତିର୍‌ ନାହିଁ ।’ ଦୁହିଁକ ଏମିତି କଥା ଶୁଣି ସୃଷ୍ଟି ହୋଇଥିଲା ହାସ୍ୟରୋଳ।</p> <p><a href="">(image) </a></p> <p>ଖୋର୍ଦ୍ଧା ଜିଲ୍ଲା ଜଟଣୀ କୁଦିଆରୀରେ ଦଶଦୋଳ ମେଳଣ ଜମାଣ ଉତ୍ସବରେ ଯୋଗ ଦେବାକୁ ଆସିଥିବା ରାଜ୍ୟ ରାଜନୀତିର ଏହି ଦୁଇ ବରିଷ୍ଠ ନେତାଙ୍କ ଭାଷଣବାଜିକୁ ଉପସ୍ଥିତ ଲୋକେ ବେସ୍‌ ଉପଭୋଗ କରିଥିଲେ ରବିବାର ରାତିରେ। ପାଖରେ ଉପସ୍ଥିତ ଥିବା ରାଜ୍ୟ ଭାଜପାର ବରିଷ୍ଠ ନେତା ସୁଦୀପ୍ତ ରାୟ ମଧ୍ୟ ଏ କଥା ଶୁଣି ନିଜ ହସ ରୋକିପାରି ନ ଥିଲେ।</p> <p>ବ୍ରାହ୍ମଣ ପ୍ରସଙ୍ଗରେ କହିବା ବେଳେ ରାଜନୀତିର କଥା ମଧ୍ୟ ଉଠାଇଥିଲେ ଦାମ ବାବୁ। କହିଥିଲେ- “ରାଜନୀତିରେ ରଙ୍ଗ ବଦଳିବା ସାଧାରଣ କଥା। ଆମେ ସବୁ ଏଠି ରାଜନୀତିଆ ଲୋକେ ଏକାଠି ହୋଇଛୁ। ଆମ ରଙ୍ଗ ରାତି ପାହିଲେ ବଦଳିଯାଏ। ୪ ଘଣ୍ଟା ବସି ଉଠିଲେ ଆମ ରଙ୍ଗ ବଦଳିଯିବ।” ଏ ରୋକ୍‌ଠୋକ୍‌ କଥା ଶୁଣି ବିଜେଡି ତୁଣ୍ଡ ଭାବେ ପରିଚିତ ଦାମଙ୍କୁ ପ୍ରଶ୍ନ ପଚାରିବାକୁ ଗଣମାଧ୍ୟମକୁ ମିଳିଯାଇଥିଲା ସୁଯୋଗ।</p> <p>ଭିଡ଼ ଭିତରୁ ଜଣେ କେହି ଗଣମାଧ୍ୟମ ପ୍ରତିନିଧି ପ୍ରଶ୍ନଟିଏ ମଧ୍ୟ ପଚାରିଦେଲେ। ଯଦି ରାଜନିତିଆ ରଙ୍ଗ ବଦଳାନ୍ତି ତାହେଲେ ଆପଣ ନିଜ ରଙ୍ଗ ବଦଳାଇବା ସମ୍ପର୍କରେ କିଛି କହିବେ କି? ବାସ୍‌ ଏହି କଥା ଶୁଣି ଦାମ ଯାହା କହିଲେ ଆପଣ ଶୁଣି ହସିହସି ବେଦମ୍‌ ହେବେ। କହିଥିଲେ- “ମୋ ରଙ୍ଗ ପରା କଳା, ବଦଳିଲେ କିଛି ଦିଶିବନି।” ଏହି ଉତ୍ତର ଶୁଣି ସମସ୍ତେ ଠୋ ଠୋ ହସିଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
