ବିଧାନସଭାରେ ବଦଳିଲା ଦାମଙ୍କ ସିଟ୍‌

ଭୁବନେଶ୍ୱର(ଓଡ଼ିଶା ରିପୋର୍ଟର): ବିଧାନସଭାରେ ବିଧାୟକଙ୍କ ସିଟ୍‌ରେ ଅଦଳବଦଳ ହୋଇଛି।

ବିଜେଡିରୁ ବହିଷ୍କୃତ ହୋଇଥିବା ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଦାମୋଦର ରାଉତଙ୍କ ସିଟ୍‌ ପରିବର୍ତ୍ତନ ହୋଇଛି। ସେ ଗୃହର D-3 ସିଟ୍‌ରେ ବସୁଥିଲେ। ଆଜିଠାରୁ ତାଙ୍କୁ F-10 ସିଟ୍‌ ଦିଆଯାଇଛି।

ଏନେଇ ବାଚସ୍ପତି ପ୍ରଦୀପ ଅମାତ ଗୃହରେ ସୂଚନା ଦେଇଛନ୍ତି।

ସେ କହିଥିଲେ, ‘ପାରାଦୀପ ବିଧାୟକ ଦାମୋଦର ରାଉତଙ୍କୁ ବିଜେଡିରୁ ବହିଷ୍କୃତ କରାଯାଇଛି ବୋଲି ଗତ ୧୫ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାଚସ୍ପତିଙ୍କୁ ଅବଗତ କରାଇଥିଲେ।’

ତେବେ ଖବର ଲେଖା ଯିବା ପର୍ଯ୍ୟନ୍ତ ଦାମୋଦର ରାଉତ ବିଧାନସଭାକୁ ଆସି ନଥିଲେ।