ଆସିଲା ସସ୍‌ପେନ୍ସ ବୟାନ୍‌ : ତାନିଆଙ୍କ କିଲର ସାଜିଲା କି କସ୍‌ମେଟିକ୍‌ ?

<p>ଭୁବନେଶ୍ୱର:(ଓଡ଼ିଶାରିପୋର୍ଟର) : ସନ୍ଦେହଘେରରେ ରହିଛି ଭୁବନେଶ୍ୱର ୟୁନିଟ୍ -୮ ଡିଏଭି ମ୍ୟାନେଜମେଣ୍ଟ ଛାତ୍ରୀ ତାନିଆ &nbsp;ବାନାର୍ଜୀଙ୍କ ଆତ୍ମହତ୍ୟା ଘଟଣା। &nbsp;କସ୍&zwnj;ମେଟିକ ଚୋରିକୁ ନେଇ କ&rsquo;ଣ ସତରେ ତାନିଆ ଆତ୍ମହତ୍ୟା କରିଛନ୍ତି? ଏହାକୁ ନେଇ ଚର୍ଚ୍ଚା ଚାଲିଥିବା ବେଳେ ଆଜି ମୁହଁ ଖୋଲିଛନ୍ତି ଶିକ୍ଷାନୁଷ୍ଠାନର ଅଧ୍ୟକ୍ଷ। ତାନିଆଙ୍କ ରୁମ୍&zwnj;ମେଟ୍&zwnj; ଉଭୟ କଲେଜ କର୍ତ୍ତୃପକ୍ଷ &nbsp;କସ୍&zwnj;ମେଟିକ୍&zwnj; ଚୋରି କଥାକୁ&nbsp; ସ୍ୱୀକାର କରିଛନ୍ତି। &nbsp;ତେବେ ପୂର୍ବରୁ ହଷ୍ଟେଲ ଓ୍ୱାର୍ଡେନ୍ କସମେଟିକ୍&zwnj; ଚୋରି କଥାକୁ ଅସ୍ୱୀକାର କରିଥିବାରୁ ତାନିଆଙ୍କ ମୃତ୍ୟୁ କାରଣକୁ ନେଇ ସନ୍ଦେହ ଘନୀଭୂତ ହେଉଛ। ଏ ସବୁ କାରଣରୁ ବିବିଏ ଛାତ୍ରୀ ତାନିଆ ବାନାର୍ଜୀ ଆତ୍ମହତ୍ୟାର କାରଣକୁ ନେଇ ଡିଏଭି କର୍ତ୍ତୃପକ୍ଷଙ୍କ ମଧ୍ୟରେ ଦ୍ୱନ୍ଦ୍ୱ ଉପୁଜିଛି। ଶିକ୍ଷାନୁଷ୍ଠାନର ଅଧ୍ୟକ୍ଷ ଓ ହଷ୍ଟେଲ ଓ୍ୱାର୍ଡେନଙ୍କ କଥାରେ ତାଳମେଳ ନ ଥିବାରୁ ଆତ୍ମହତ୍ୟାର ପ୍ରକୃତ କାରଣକୁ ନେଇ ସନ୍ଦେହ ଘନୀଭୂତ ହୋଇଛି। ପୂର୍ବରୁ ହଷ୍ଟେଲ ଓ୍ୱାର୍ଡେନ୍ କସ୍&zwnj;ମେଟିକ୍&zwnj; ଚୋରି କଥାକୁ ସଂପୂର୍ଣ୍ଣ ରୂପେ ଖଣ୍ଡନ କରିଥିଲେ।</p> <p>ହଷ୍ଟେଲରେ ସେମିତି କିଛି ଘଟି ନ ଥିବା ସେ କହିଥିଲେ। &nbsp;ତେବେ ଆଜି କଲେଜ୍ ଅଧ୍ୟକ୍ଷ ଏନେଇ ମୁହଁ ଖୋଲିଛନ୍ତି। &nbsp;ହଷ୍ଟେଲର କିଛି ଝିଅଙ୍କ କସ୍&zwnj;ମେଟିକ୍&zwnj; ଚୋରି ହୋଇଥିଲା। ସୁପରିଟେଣ୍ଡେଣ୍ଟ ପାଖରେ ତା&rsquo;ର ସମାଧାନ ହୋଇଥିବା ସେ କହିଛନ୍ତି&nbsp; ଘଟଣାର ଅନୁଧ୍ୟାନ ଲାଗି ଇଣ୍ଟରନାଲ କମିଟି ଗଠନ କରାଯାଇଥିବା ସେ ସୂଚନା ଦେଇଛନ୍ତି। ସେପଟେ କସ୍&zwnj;ମେଟିକ୍&zwnj; ଚୋରି ପ୍ରସଙ୍ଗରେ ବି ଆଜି ମୁହଁ ଖୋଲିଛନ୍ତି ତାନିଆଙ୍କ ରୁମ୍&zwnj;ମେଟ୍&zwnj;। ତାନିଆଙ୍କ ଆତ୍ମହତ୍ୟା ଦିନ ସେ ହଷ୍ଟେଲରେ ନଥିଲେ।</p> <p>ତେବେ ଚୋରି କସମେଟିକ୍&zwnj; ତାନିଆଙ୍କ ରୁମ୍&zwnj;ରୁ ବାହାରିଥିବା ନେଇ ସେ ଶୁଣିଥିବା କହିଛନ୍ତି। &nbsp;ସେପଟେ ଝିଅକୁ ହରାଇବା ପରେ ମର୍ମାହତ ହୋଇପଡିଛନ୍ତି ତାନିଆଙ୍କ ବାପା-ମାଆ। ତାଙ୍କୁ ନ୍ୟାୟ ଦିଆଯାଉ ବୋଲି କହିଛନ୍ତି ତାନିଆଙ୍କ ବାପା। &nbsp;ଅନ୍ୟପକ୍ଷରେ ପ୍ରକୃତ କଥା ପଦାକୁ ଆଣିବା ଲାଗି ସିବିଆଇ ତଦନ୍ତ ଦାବି କରିଛନ୍ତି ତାନିଆଙ୍କ ମା। ଏବେ ପ୍ରଶ୍ନ କିଏ ସତ କହୁଛନ୍ତି ? ଓ୍ୱାର୍ଡେନ୍ ନା ସୁପରିଟେଣ୍ଡେଣ୍ଟ୍ ? ବିଭ୍ରାନ୍ତିକର ବୟାନ ଦେଇ ଏମାନେ ସତକୁ ଲୁଚାଇକୁ ଉଦ୍ୟମ କରୁ ନାହାନ୍ତି ତ? ତେବେ ସତ ଖୋଜିବାକୁ ତଦନ୍ତ ଜାରି ରହିଥିବା କହିଛନ୍ତି ଭୁବନେଶ୍ୱର ଡିସିପି ସତ୍ୟବ୍ରତ ଭୋଇ। ସୂଚନାଯୋଗ୍ୟ ଯେ, ଭୁବନେଶ୍ୱରର ୟୁନିଟ୍ ୮ ଡିଏଭି ସ୍କୁଲ ଅଫ୍ ବିଜ୍&zwnj;ନେସ୍&zwnj; ମ୍ୟାନେଜମେଣ୍ଟରେ&nbsp; ଛାତ୍ରୀ ତାନିଆ ବାନାର୍ଜୀଙ୍କ ଗତ ୨୭ ତାରିଖ ରାତିରେ ସନ୍ଦେହଜନକ ମୃତ୍ୟୁ ଘଟିଲା।</p>