ରାୟଗଡ଼ା (ମନୋଜ ପାତ୍ର): ଗତକାଲି ଠାରୁ ନିଖୋଜ ଥିବା ଦୁଇ ଜଣ ଶିଶୁଙ୍କ ମୃତଦେହକୁ ଆଜି ପୋଖରୀରୁ ଉଦ୍ଧାର କରାଯାଇଛି। ଏ ଘଟଣା ଘଟିଛି ରାୟଗଡ଼ା ଜିଲ୍ଲା ମାଟିକଣାରେ।
ମୃତ ଦୁଇ ଶିଶୁ ହେଲେ ସୁନୀଲ ହିମିରିକା ଓ ଆରେଶ ହିମିରିକା। ସୁନୀଲ ତୃତୀୟ ଶ୍ରେଣୀରେ ପଢ଼ୁଥିଲେ। ଆରେଶ ଦ୍ୱିତୀୟ ଶ୍ରେଣୀରେ ପଢୁଥିଲେ। ଏମାନେ ଗାଁର ଦୁଇଟି ଭିନ୍ନ ଭିନ୍ନ ପରିବାରର।
ଏ ଦୁହେଁ ଗତକାଲି ସ୍କୁଲ୍ରୁ ଫେରିବା ପରେ ଘରେ ବ୍ୟାଗ୍ ରଖି ଖେଳିବାକୁ ପଳାଇଥିଲେ। ସନ୍ଧ୍ୟାରେ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ। ତେବେ ସେମାନଙ୍କର ପତ୍ତା ମିଳି ନଥିଲା। ଆଜି ଉଭୟଙ୍କ ମୃତଦେହ ଗାଁ ପୋଖରୀରୁ ଉଦ୍ଧାର କରାଯାଇଥିଲା। ଅଗ୍ନିଶମ ବିଭାଗ କର୍ମଚାରୀମାନେ ସେମାନଙ୍କ ମୃତଦେହ ଉଦ୍ଧାର କରିଥିଲେ।
ପୁଲିସ୍ ଏ ଘଟଣାର ତଦନ୍ତ କରୁଛି।