ରାତିରେ ଶୋଇଥିଲେ ହେଲେ ସକାଳ ଦେଖିଲେନି

ଆଠଗଡ଼( ଓଡ଼ିଶା ରିପୋର୍ଟର):  ମୃତ୍ୟୁ କାହା ପାଇଁ କେମିତି ଆଉ କେତେବେଳେ ଆସିବ କହିହେବନି। କେତେବେଳେ କିଏ ଯିବ ଓ କିଏ ରହିବ ଉପରବାଲା ସ୍ଥିର କରନ୍ତି । ଆମେ ଏ କଥା କାହିଁକି କହିଲୁ ହୁଏତ ଆପଣ ବୁଝିପାରୁ ନ ଥିବେ । ଗତକାଲି ରାତିରେ ଏମିତି ଏକ ଘଟଣା ଘଟିଛି ଯାହାକୁ ଶୁଣି ଆପଣ ବି ଆମ କଥା ଦୋହରାଇବେ ଏଥିରେ ଦ୍ୱିମତ ନାହିଁ।

କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଗୋବିନ୍ଦପୁର ଛକରେ ୩ ଜଣ ଟ୍ରଲିଚାଳକ ରାତିରେ ମାଲ୍ ଅନଲୋଡ କରିବା ପାଇଁ ବସ୍‌କୁ ଅପେକ୍ଷା କରି ଶୋଇଥିବା ବେଳେ ଏକ ଗାଡ଼ି ତାଙ୍କ ଉପରେ ମାଡ଼ି ଯାଇଥିଲା। ଗାଡ଼ିଟି ରାସ୍ତାକଡ଼ରେ ଥିବା ଏକ କ୍ୟାବିନ ଉପରେ ମଧ୍ୟ ଚଢ଼ି ଯିବାରୁ ଏହା ଭାଙ୍ଗି ଚୁର୍‌ମାର ହୋଇଯାଇଛି।

ନିଜ ପେଟ ପୋଷିବା ପାଇଁ  ଜାତୀୟ ରାଜପଥ କଡ଼ରେ ଏହି ୩ଜଣ  ଟ୍ରଲି ଚାଳକ ଶୋଇଥିବା ବେଳେ ଗତକାଲି ରାତିରେ ଘଟିଥିଲା ଏହି ଦୁର୍ଘଟଣା। ଘଟଣାସ୍ଥଳରେ ଜଣଙ୍କର ପ୍ରାଣ ଚାଲି ଯାଇଥିବା ବେଳେ ଆଉ ୨ ଜଣ କଟକ ବଡ ଡାକ୍ତରଖାନାରେ ମରଣ ସହ ଲଢୁଛନ୍ତି।

ଚେପା ହୋଇଯାଇଥିବା ଟ୍ରଲି ଆଉ ରକ୍ତରେ ଭିଜି ଯାଇଥିବା ମାଟିକୁ ଦେଖିବା ପରେ ଆପଣ ମଧ୍ୟ ଅନୁମାନ କରିପାରିବେ ଦୁର୍ଘଟଣାର ଭୟାବହତା। ପୋଲିସ୍‌ ଏବେ ଘଟଣାର ତଦନ୍ତ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।