ପୁରୀରେ ଭିକ୍ଷାବୃତ୍ତି କରୁଥିବା ଋଷୀୟ ନାଗରିକ ଦିଲ୍ଲୀ ଗଲେ

<p>ପୁରୀ(ଓଡ଼ିଶା ରିର୍ପୋଟର): ଶ୍ରୀମନ୍ଦିର ସମ୍ମୁଖରେ ଭିକ୍ଷା ମାଗୁଥିବା ଋଷୀୟ ପର୍ଯ୍ୟଟକ ଆନ୍ଦେରି ଗ୍ଲାଗୋଲେଭ୍ ଆଜି ଦିଲ୍ଲୀ ଯାତ୍ରା କରିଛନ୍ତି। ସେ ଆସନ୍ତା ୮ତାରିଖରେ ଜାତିସଂଘର ହାଇକମିଶନରଙ୍କ ନିକଟରେ ହାଜର ହେବେ।&nbsp; ଆନ୍ଦେରି&nbsp; ଭାରତରେ ଶରଣାର୍ଥୀ ହୋଇ ରହିବା ପାଇଁ ପୂର୍ବରୁ ଆବେଦନ କରିଥିଲେ।&nbsp; ସେ ସମ୍ପର୍କରେ ଦିଲ୍ଲୀରେ ଶୁଣାଣି ହେବ। ଆଜି ପର୍ଯ୍ୟଟନ ବିଭାଗ ପକ୍ଷରୁ ପୁରୁଷୋତ୍ତମ ଏକ୍ସପ୍ରେସରେ ତାଙ୍କୁ&nbsp; ଦିଲ୍ଲୀ ପଠାଯିବା ସହ ବାଟ ଖର୍ଚ୍ଚ ପାଇଁ ୪ହଜାର ୩ଶହ ଟଙ୍କା ଦିଆଯାଇଛି।</p> <p>ସୂଚନାଯୋଗ୍ୟ, କିଛି ଦିନ ତଳେ ଆନ୍ଦେରି ଶ୍ରୀମନ୍ଦିର ସମ୍ମୁଖରେ ଭିକ୍ଷା ଗ୍ରହଣ କରୁଥିବା ବେଳେ ଗଣମାଧ୍ୟମର ନଜରକୁ &nbsp;ଆସିଥିଲେ। ବିଦେଶୀ ନାଗରିକ ଭିକ ମାଗିବା ଖବର &nbsp;ଜଣାପଡ଼ିବା ପରେ ପୋଲିସ ତତ୍ପର ହୋଇ ପଡ଼ିଥିଲା। ସେ ପୁରୀକୁ କେବେ ଓ କାହିଁକି ଆସିଛନ୍ତି ସେ ସମ୍ପର୍କରେ ଜାଣିବା ପାଇଁ ସିଂହଦ୍ୱାର ଥାନାରେ ତାଙ୍କ ଭିସା ଯାଞ୍ଚ କରାଯାଇଥିଲା। ଏହାପରେ ପର୍ଯ୍ୟଟନ ବିଭାଗ ପକ୍ଷରୁ ତାଙ୍କୁ ପୁରୀ ସର୍ବୋଦୟ ନଗର ସେଲଟର ହୋମରେ ରଖାଯାଇଥିଲା।</p> <p>ପୁରୀର ପର୍ଯ୍ୟଟନ ଅଧିକାରୀ ବିଜୟ କୁମାର ଜେନା କହିଛନ୍ତି,&ldquo;ଡିସେମ୍ୱର ୧୦ ତାରିଖରେ ଆନ୍ଦେରିଙ୍କୁ&nbsp; ସେଲଟର ହୋମରେ ରଖାଯାଇଥିଲା। ସେଠାରେ ତାଙ୍କୁ ସମସ୍ତ ପ୍ରକାର ସୁବିଧା ଦିଆଯାଇଥିଲା। ଆମେ ତାଙ୍କର ଟ୍ରେନ୍ ଟିକଟ୍&zwnj; ମଧ୍ୟ କରି ଦେଇଛୁ। ଏହାସହିତ ତାଙ୍କୁ ୪,୩୦୦ ଟଙ୍କା ଦିଆଯାଇଛି।&rdquo;</p>