ଢେଙ୍କାନାଳ: ଢେଙ୍କାନାଳ ଜିଲ୍ଲା ଗଁଦିଆ ଥାନା ଅନ୍ତର୍ଗତ ନିଶ୍ଚିନ୍ତ ପାହାଡ଼ରେ ଥିବା ପଥର ଖାଦାନରେ ଚଢ଼ାଉ ବେଳେ ଆଜି ପୋଲିସ୍ ଓ ପଥର ମାଫିଆ ମୁହାଁମୁହିଁ ହୋଇଛନ୍ତି। ପୋଲିସ୍ ଗୁଳିରେ ଜଣେ ପଥର ମାଫିଆ ଆହତ ହୋଇଛନ୍ତି। ଆହତ ଜଣଙ୍କ ହେଲେ ଚଡ଼କାମରା ଅଞ୍ଚଳର ରମେଶ କବି। ରମେଶଙ୍କୁ କଟକ ଡାକ୍ତରଖାନାରେ ଭର୍ତ୍ତି କରାଯାଇଛି। ନିଶ୍ଚିନ୍ତ ପାହାଡ଼ ପଥର ଖାଦାନରେ ବେଆଇନ ପଥର ଚାଲାଣ ହେଉଥିବା ବେଳେ ଗଁଦିଆ ତହସିଲଦାର କିଛି ପୋଲିସ୍ କର୍ମଚାରୀଙ୍କୁ ଧରି ଚଢ଼ାଉ କରିବା ପାଇଁ ଯାଇଥିଲେ। ସେତେବେଳେ ପୋଲିସ୍ ଓ ପଥର ମାଫିଆ ମୁହାଁମୁହିଁ ହୋଇଥିଲେ।
ସ୍ଥାନୀୟ ବାସିନ୍ଦା ଅଭିଯୋଗ ଅନୁସାରେ ଗଞ୍ଜିଆ ଥାନା ଆଇଆଇସିଙ୍କ ସାଙ୍ଗରେ ରମେଶଙ୍କ କୌଣସି କଥାକୁ ନେଇ ବଚସା ହୋଇଥିଲା। ଆଇଆଇସି ଉତ୍ତ୍ୟକ୍ତ ହୋଇ ତାଙ୍କ ଗାଲକୁ ଗୁଳି ଚଳାଇଥିଲେ।
ଅନ୍ୟପକ୍ଷରେ ପୋଲିସ୍ କହିବା ଅନୁଯାୟୀ ପଥର ମାଫିଆମାନେ ତହସିଲଦାର ଓ ପୋଲିସ୍ କର୍ମଚାରୀଙ୍କ ଉପରେ ପଥରମାଡ଼ କରିଥିଲେ। ସେଥିପାଇଁ ଫାଙ୍କା ଗୁଳି ଚାଳାନା କରାଯାଇଥିଲା।