‘ଡାକିଲେ ଖାଇବାକୁ ଯିବି, ଚା’ ପିଇ ଆସିବି’

<p>ଖୋର୍ଦ୍ଧା(ବଳରାମ ଲେଙ୍କା): &ldquo;ମୁଁ ଶୁଣିଛି ପ୍ରଦୀପ ଭାଇଙ୍କ ବାରି କଦଳି କୁଆଡେ ବଡ଼ ସୁଆଦିଆ। ଆଉ ଏଇ ସୁଆଦିଆ କଦଳୀ ଖାଇବାକୁ ମୋ ବି ମନ ଅଛି। ଡାକିବେ ଯଦି ତାଙ୍କ ଘରେ ଚା&rsquo; ପାଣି ପିଇ ଆପ୍ୟାୟିତ ହେବି&rdquo; । ଏମିତି ପଦେ କଥାରେ ସାମ୍ପ୍ରତିକ ରାଜନୈତିକ ପାଣିପାଗରେ କାଳବୈଶାଖୀ ଛୁଙ୍କ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।</p> <p>ଆଜି ସନ୍ଧ୍ୟାରେ ଖୋର୍ଦ୍ଧାରେ ଆୟୋଜିତ ଆଜିବୀକା କୌଶଳ ବିକାଶ ମେଳାରେ ଅତିଥି ଭାବେ ଯୋଗ ଦେଇ ଫେରୁଥିବା ବେଳେ ଧର୍ମନ୍ଦ୍ରଙ୍କୁ ଘେରି ଯାଇଥିଲେ ଗଣମାଧ୍ୟମ ପ୍ରତିନିଧି। ପ୍ରଶ୍ନ ପରେ ପ୍ରଶ୍ନ ପଚରା ଯାଉଥିବା ବେଳେ ହଠାତ୍&zwnj; ଜଣେ ଗଣମାଧ୍ୟମ ପ୍ରତିନିଧି ତାଙ୍କୁ ମନ୍ତ୍ରୀ ପ୍ରଦୀପ ମହାରଥିଙ୍କ ସମ୍ପର୍କରେ ପ୍ରଶ୍ନଟିଏ ପଚାରିଥିଲେ। ଆଉ ଏହି ପ୍ରଶ୍ନର ଉତ୍ତର ଦେବାକୁ ଯାଇ ଧର୍ମେନ୍ଦ୍ର ଏମିତି ରୋଚକ ଢଙ୍ଗରେ ଉତ୍ତର ଦେଇଥିଲେ ଯେ, ସମସ୍ତେ ହସିହସି ବେଦମ୍&zwnj;।</p> <p>ବାସ୍ତବ କଥାଟି ହେଉଛି ଏମିତି। ୨ ଦିନ ତଳେ କୃଷିମନ୍ତ୍ରୀ ପ୍ରଦୀପ ମହାରଥିଙ୍କୁ କେତେକ ଗଣମାଧ୍ୟମ ପ୍ରତିନିଧି ଭାଜପାର ଦଳୀୟ ସ୍ଥିତିକୁ ନେଇ ପ୍ରଶ୍ନ କରିଥିଲେ। ଯାହାକୁ ଉତ୍ତର ଦେବାକୁ ଯାଇ ମହାରଥୀ ଯାତ୍ରା ଢଙ୍ଗରେ ଉତ୍ତର ଦେଇଥିଲେ। କହିଥିଲେ- &ldquo;କୁଆଡେ ଗଲେ?(ଧର୍ମେନ୍ଦ୍ରଙ୍କୁ ଉପଲକ୍ଷ କରି), ବିଜେପୁର ନିର୍ବାଚନ ପରାଜୟ ପରେ କାଇଁ କାହାର ଦେଖା ନାଇଁ ତ ???</p> <p>ଯାହାର ଉତ୍ତର ଆଜି ରଖିଛନ୍ତି ଧର୍ମେନ୍ଦ୍ର। କଦଳୀ ଆଉ ଚା&rsquo; ଜଳଖିଆ କଥା କହି ଉତ୍ତର ଦେବା ଛଳରେ ରାଜ୍ୟରେ ନିଜ ଉପସ୍ଥିତିକୁ ଜାହିର କରିଛନ୍ତି ପ୍ରଧାନ। ସେ କହିଛନ୍ତି- &ldquo;ପ୍ରଦୀପ ଭାଇ ମୋତେ ଗାଳିଦେଲେ ଯଦି ତାଙ୍କ ସାହେବଙ୍କ ପାଖରେ ନମ୍ବର ବଢିବ ତା ହେଲେ ମୋ ତରଫରୁ ତାଙ୍କୁ ଶୁଭେଚ୍ଛା।&rdquo;</p>