ବାରମ୍ବାର ଦୁର୍ଘଟଣା ପରେ ବି ସରକାରଙ୍କ ନିଦ ଭାଙ୍ଗୁନି: ଧର୍ମେନ୍ଦ୍ର

ଭୁବନେଶ୍ୱର(ଓଡ଼ିଶା ରିପୋର୍ଟର): ନିର୍ମାଣାଧୀନ ବମିଖାଲ ଓଭର ବ୍ରିଜ୍‌ର ଦୁର୍ଘଟଣାସ୍ଥଳ ବୁଲି ଦେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଜି ସେ ଘଟଣାସ୍ଥଳକୁ ଯାଇ ବୁଲି ଦେଖିବା ସହ ସ୍ଥାନୀୟ ଲୋକଙ୍କଠାରୁ ଘଟଣା ସମ୍ପର୍କରେ ପଚାରି ବୁଝିଥିଲେ। ଅଘଟଣନେଇ ଧର୍ମେନ୍ଦ୍ର ସିଧାସଳଖ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି।

ସେ କହିଛନ୍ତି,“ ରାଜଧାନୀରେ ବାରମ୍ବାର ଦୁର୍ଘଟଣା ପରେ ବି ସରକାରଙ୍କ ନିଦ ଭାଙ୍ଗୁନି। ମାନ ନଥିବା ଠିକାଦାର ଓ କଳା ତାକିଲାଭୁକ୍ତ ସଂସ୍ଥାକୁ ପୁନଃ ନିଯୁକ୍ତି ଦିଆଯାଉଛି। ଯେଉଁମାନେ ଏଭଳି ଦୁର୍ଘଟଣା ପଛରେ ଅଛନ୍ତି ସେମାନଙ୍କୁ ବାହାର କରି ଉପଯୁକ୍ତ ଦଣ୍ଡ ଦିଆଯାଉ।”

ଏ ସମ୍ପର୍କରେ ସେ ଆଉ କ’ଣ କହୁଛନ୍ତି ଶୁଣନ୍ତୁ-