ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଜୟପୁର( ଟି.ଗୌରିଶଙ୍କର): ପ୍ରାୟ ସମସ୍ତେ ଡାକ୍ତରମାନଙ୍କୁ ସମାଲୋଚନା କରନ୍ତି। ସମସ୍ତଙ୍କର ସେଇ ସମାନ ଅଭିଯୋଗ,ଡାକ୍ତରମାନଙ୍କର ଆଉ ସେବା ମନୋବୃତ୍ତି ନାହିଁ। ଖାଲି ଟଙ୍କା ପାଇଁ କାମ କରୁଛନ୍ତି। ତେବେ ଏହା ସବୁବେଳେ ଠିକ୍ ନୁହେଁ। ଏବେ ବି ଏମିତି ଅନେକ ଡାକ୍ତର ଅଛନ୍ତି, ଯେଉଁମାନେ ନିଜ କାର୍ଯ୍ୟକୁ ନେଇ ବେଶ୍‌ ଯତ୍ନବାନ। ସେମାନେ ଟଙ୍କା ଅପେକ୍ଷା ରୋଗୀ ସେବାକୁ ଗୁରୁତ୍ୱ ଦିଅନ୍ତି। ଆଜି ସେମିତି ଏକ ଘଟଣା ସାମ୍ନାକୁ ଆସିଛି କୋରାପୁଟ ଜିଲ୍ଲା ଜୟପୁର ଡାକ୍ତରଖାନାରେ। ସେଠାରେ ଜଣେ ଡାକ୍ତର ନିଜ କର୍ତ୍ତବ୍ୟକୁ ସୂଚାରୁ ରୂପେ କରିବା ସହିତ ମଣିଷପଣିଆ ବି ଦେଖାଇଛନ୍ତି। ଆବଶ୍ୟକ ପଡ଼ିବାରୁ ନିଜେ ରକ୍ତ ଦେଇ ଜଣେ ରୋଗୀଙ୍କ ଜୀବନ ବଞ୍ଚାଇଛନ୍ତି। ତାଙ୍କ ନାଁ ଡାକ୍ତର ଭୂପତି ଭୂଷଣ ଜେନା। ସେ ଜଣେ ଭେଷଜ ବିଶେଷଜ୍ଞ।</p> <p>ବୈପାରିଗୁଡ଼ା ବ୍ଲକ୍‌ ଦୋରାଗୁଡ଼ା ଗାଁର ମଣି ଗୋଲାରୀ(୨୭) ନାମକ ଜଣେ ମହିଳା ଚିକିତ୍ସା ପାଇଁ ଡାକ୍ତରଖାନା ଆସିଥିଲେ। ଡାକ୍ତର ଭୂପତି ଭୂଷଣ ଜେନା ତାଙ୍କର ଚିକିତ୍ସା କରିବା ବେଳେ ହିମୋଗ୍ଲୋବିନ୍ କମ୍ ଥିବା ଜାଣିବାକୁ ପାଇଥିଲେ। ତାଙ୍କୁ ସଙ୍ଗେ ସଙ୍ଗେ ରକ୍ତ ଦିଆଯିବ ନିହାତି ଜରୁରୀ ଥିଲା। ମହିଳାଙ୍କ ସ୍ୱାମୀ ଗୋଟିଏ ରକ୍ତ ଦେବା ପାଇଁ କହିଥିଲେ। କିନ୍ତୁ ଆହୁରି ୩ ୟୁନିଟ୍ ରକ୍ତ ଆବଶ୍ୟକ ଥିଲା। ଏହାପରେ ଡାକ୍ତର ଭୂପତି ଜେନା ଆଉ ବିଳମ୍ବ କରି ନଥିଲେ। ସେ ନିଜେ ରକ୍ତ ଦେଇ ରୋଗୀଙ୍କ ଜୀବନ ବଞ୍ଚାଇଥିଲେ। ବର୍ତ୍ତମାନ ଉକ୍ତ ମହିଳାଙ୍କ ସ୍ୱାସ୍ଥ୍ୟ ଭଲ ଥିବା ଡାକ୍ତର କହିଛନ୍ତି।</p> <p>&nbsp;</p> <p>&nbsp;</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
