ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ସ୍ମାର୍ଟ ସିଟି ଭୁବନେଶ୍ୱରର ଏକ ଭିଆଇପି ଏରିଆ ଭାବେ ପରିଗଣିତ ଶ୍ରୀବିହାର ରାସ୍ତାରେ ଏବେ ନର୍ଦ୍ଦମା ପାଣିର ସୁଅ ଛୁଟିଛି। ଲାଭା ଉଦ୍‌ଗୀରଣ ହେଲା ଭଳି ଦୀର୍ଘ ଏକ ମାସ ହେଲା ଏଠି ଅନବରତ ଏକ ସ୍ୱେରେଜ୍‌ ଲାଇନ୍‌ରୁ ନର୍ଦ୍ଦମା ପାଣି ବାହାରି ରାସ୍ତାରେ ଢେଉ ମାରୁଛି। ପରିବେଶ ଏମିତି ଦୁର୍ଗନ୍ଧମୟ ହୋଇଛି ଯେ, ବେଳେ ବେଳେ ସେଠାରେ ଠିଆ ହେବା ମୁସ୍କିଲ୍‌ ହୋଇପଡ଼ୁଛି। ଏହି ରାସ୍ତା ଦେଇ ପ୍ରତିଦିନ ଶହ ଶହ ସଂଖ୍ୟାରେ ସ୍କୁଲ୍‌ ପିଲା ଯିବା ଆସିବା କରୁଛନ୍ତି। ଏହି ରାସ୍ତାରେ ପଡ଼ି ଅନେକ ସମୟରେ ଛୋଟ ଛୋଟ ପିଲା ଆହତ ମଧ୍ୟ ହେଲେଣି। ସ୍ୱେରେଜ୍‌ ଲାଇନ୍‌ ଜାମ୍‌ ହୋଇ ଏପରି ହୋଇଥିଲେ ମଧ୍ୟ କେହି ଏ ଦିଗରେ ଗୁରୁତ୍ୱ ଦେଉ ନାହାନ୍ତି। ଲୋକେ ଯେତେ ଛାଟିପିଟି ହେଲେ ବି କେହି ଶୁଣିବାକୁ ନାରାଜ। ତୁରନ୍ତ ଏହାର ପ୍ରତିକାର କରିବାକୁ ଦାବି ହୋଇଛି।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।