ଘିଅ ପରେ ନକଲି ସିମେଣ୍ଟ କାରଖାନା ଠାବ

<p>କଟକ(ଓଡ଼ିଶା ରିପୋର୍ଟର): ନକଲି ଘିଅ, ତେଲ ଓ ଜର୍ଦ୍ଦା ପରେ &nbsp;ଏବେ ନକଲି ସିମେଣ୍ଟ କାରଖାନା ଠାବ ହୋଇଛି। କଟକ ଜଗତପୁର ଇଣ୍ଡଷ୍ଟ୍ରିଆଲ ଇଷ୍ଟେଟରେ ଏହି ନକଲି ସିମେଣ୍ଟ କାରଖାନା ଠାବ କରାଯାଇଛି।</p> <p>ଜଗତପୁର ପୋଲିସ&nbsp; ସେହି କାରଖାନାରୁ ସାତ ହଜାର ପାଞ୍ଚ ଶହ ବସ୍ତା ନକଲି ସିମେଣ୍ଟ ସହ ବିଭିନ୍ନ &nbsp;ବ୍ରାଣ୍ଡର ତିନି ଶହ ଖାଲି ବ୍ୟାଗ୍, ନମୁନା ଓ ଯାନ୍ତ୍ରାଂଶକୁ ପୋଲିସ ଚଢ଼ାଉ କରି ଜବତ କରିଛି ।</p> <p>ଘଟଣାରେ କାରଖାନା ମାଲିକ ଲଳିତ କୁମାର ଜୈନଙ୍କୁ&nbsp; ପୋଲିସ ଗିରଫ କରିଛି। ଦୀର୍ଘ ୮-୯ ବର୍ଷ ହେବ ଜଗତପୁର ଇଣ୍ଡଷ୍ଟ୍ରିଆଲ୍ ଇଷ୍ଟେଟ୍ ଭିତରେ ଏହି ନକଲି ସିମେଣ୍ଟ କାରବାର ଚାଲିଥିଲା ବୋଲି କୁହାଯାଉଛି। କାରଖାନାର ମାଲିକ ଲଳିତ କୁମାର ଜୈନ ଏକ ନିର୍ଦ୍ଦିଷ୍ଟ ବ୍ରାଣ୍ଡର ସିମେଣ୍ଟ ପାଇଁ &nbsp;ଫ୍ରାଞ୍ଚାଇଜି ନେଇଥିଲେ&nbsp; ତେବେ ସେଥିରୁ ନଷ୍ଟ ହୋଇଯାଉଥିବା ସିମେଣ୍ଟରେ ଅପମିଶ୍ରଣ କରି ତାହାକୁ ପୁଣି ନୂଆ ଭଳି ପ୍ୟାକେଜିଂ କରି ରାଜ୍ୟର ବିଭିନ୍ନ ସ୍ଥାନକୁ ପଠାଉଥିଲେ ବୋଲି ପୋଲିସ ଜାଣିବାକୁ ପାଇଛି।&nbsp; ତେବେ ଏହି ସିମେଣ୍ଟ ବ୍ୟାଗ୍ ଗୁଡ଼ିକ କେଉଁଠାରେ ତିଆରି ହେଉଥିଲା ସେନେଇ ପୋଲିସ ତଦନ୍ତ କରୁଛି।</p>