ମୁଖ୍ୟମନ୍ତ୍ରୀଙ୍କ ଦେହରେ ବାଜିବା ପୂର୍ବରୁ ଅଣ୍ଡାକୁ କ୍ୟାଚ୍‌ କରିଥିଲେ ଏହି ସୁରକ୍ଷା କର୍ମୀ

<p>ଭୁବନେଶ୍ୱର(ଓଡିଶା ରିପୋର୍ଟର): ବେଳାଭୂମିରେ ଖଚାଖଚ୍&zwnj; ଜିମଥିଲେ ଦର୍ଶକ। ଜୁଆଡେ ଚାହିଁବ ସିଆଡେ ତାଳିମାଡ଼। ମୁଣ୍ଡରେ ନେଳିଆ ସ୍କାର୍ପ, ଯୋଉଥିରେ ଛପା ହୋଇଥିଲା ଶଂଙ୍ଖ ଚିହ୍ନ। ଚିଅର୍&zwnj; ଗର୍ଲ ଭଳି ନାଚୁଥିଲେ ସମର୍ଥକ । କାହା କାନ୍ଦରେ ନେଳି ଗାମୁଛ ତ କାହା ମୁଣ୍ଡରେ ନେଳିଆ ପଟି।</p><p>ଏତିକି ବେଳେ ପଡିଆକୁ ଓହ୍ଲାଇଲେ ନବୀନ। ତୁହାକୁ ତୁହା ବାଜିଲା ତାଳି, ଶୁଭିଲା ହୁଲହୁଳି। ସତେ ଯେମିତି ଆଜି ମ୍ୟାଚ୍&zwnj;ଟା ପୁରା ତାଙ୍କ ହାତରେ। ପୂରା ଫର୍ମରେ ଥିଲେ ବିଜେଡି କ୍ୟାପଟେନ୍&zwnj;। ସୁରକ୍ଷା ପାଇଁ ହେଲେମଟ୍&zwnj; ଭଳି ଜଗିଥିଲେ କଳା କୋଟ୍ ପିନ୍ଧା ଅଙ୍ଗରକ୍ଷୀ। ଆରମ୍ଭ ହେଲା ଭାଷଣ। କାଗଜରେ ଲେଖାଥିବା ଇଂରଜୀ ମିଶ୍ରିତ ଓଡିଆ ଭାଷଣ ପଢିବାକୁ ଲାଗିଲେ ବାବୁ। ଏତିକିବେଳେ ଖରା ହେଉଛି ବୋଲି ନବୀନାଙ୍କ ପାଇଁ ଟେକା ହୋଇଥିଲା ଭ୍ରାମ୍ୟମାଣ ଛତାଟିଏ। ପ୍ରତିପକ୍ଷକୁ ଏ କଥା ପରତେ ଗଲାନି। ନବୀନ ପୂରା ଫର୍ମରେ ଥିବାରୁ ତାଙ୍କୁ କ୍ଲିନ୍&zwnj; ବୋଲ୍ଡ କରିବାକୁ ଆକ୍ରାମକ ସଟ୍&zwnj;ଟିଏ ଖେଲିବାକୁ ଚେଷ୍ଟା କଲେ ପ୍ରତିପକ୍ଷ ବୋଲର ।</p><p>ଆରମ୍ଭ ହେଲା ଅଣ୍ଡା ବୋଲିଂ। ପ୍ରଥମ ସଟ୍&zwnj;ରେ ନୋ ବଲ୍&zwnj;। ଅଣ୍ଡା ତଳେ ପଡି ଫାଟିଗଲା। ପୁଣି ଥରେ ବର୍ଷିଲେ ପ୍ରତିପକ୍ଷ ବୋଲର। ଧେତ୍&zwnj; ଏଥର ବି ନୋ ବଲ୍&zwnj;। ମଞ୍ଚରେ ପଡି ଫାଟିଗଲା ଅଣ୍ଡା। ଏଥର ହେଲେମେଟ୍&zwnj; ଭଳି ନବୀନଙ୍କୁ ସୁରକ୍ଷା ଦେଉଥିବେ ଅଙ୍ଗରକ୍ଷୀ ମହୋଦୟ ପୁରା ସଜାଗ ହୋଇଗଲେ। ୩ୟ ବଲ୍&zwnj; ଆସିବ ବୋଲି ମିଳିଗଲା ସଙ୍କେତ। ନିଜ ଆଙ୍ଗୁଠିରେ ଅବଗଣନା ଆରମ୍ଭ କରି ଦେଇଥିଲେ ପଡିଆଯାକର ଦର୍ଶକ। କିଏ କହୁଥିଲା ଏଥର ବୋଲରଙ୍କ ଆକ୍ରମଣରେ ଷ୍ଟମ୍ପ ଆଉଟ୍&zwnj; &nbsp;ହୋଇପାରନ୍ତି ନବୀନ୍&zwnj; । ପୁଣି କିଏ ଆଗ ସ୍ଥିତି କ&rsquo;ଣ ହେବ ସେ କଥା ଭାବି ନଖ କାମୁଡି ପକଉଥାନ୍ତି। ଆଉ ଏତିକି ବେଳେ ଆସିଲା ୩ୟ ବଲ୍&zwnj;। ଦେଖୁଦେଖୁ ସଜାଗ୍&zwnj; ଥିବା ଅଙ୍ଗରକ୍ଷୀ ଜଣକ ପୁରା ପ୍ରସ୍ତୁତ ହୋଇଗଲେ ଅଣ୍ଡା ରୂପକ ବଲ୍&zwnj;ର ମୁକାବିଲା କରିବାକୁ । ଦେଖୁ ଦେଖୁ କ୍ୟାଚ୍&zwnj; କରିଦେଲେ ବଲ୍&zwnj;। ବାସ୍&zwnj; ଖେଳ ଶେଷ୍&zwnj;।</p><p>ସତ କହିଲେ ଭାଇ ଯଦି ଅଣ୍ଡାକୁ କ୍ୟାଚ୍&zwnj; କରି ନ ଥାନ୍ତେ ତା ହେଲେ ନବୀନ୍&zwnj;ଙ୍କ ଅବସ୍ଥା କ&rsquo;ଣ ହେଇଥାନ୍ତା। ଷ୍ଟମ୍ପ୍ ଭଳି ବିଜେଡିକୁ ସୁରକ୍ଷା ଦେଉଥିବା ମୁଖିଆ ଆଉଟ୍&zwnj; ହେଇଯାଇ ନ ଥାନ୍ତେ ତ ? &nbsp;&nbsp;କ୍ରିକେଟ ଭାଷାରେ ଏମିତି ଥିଲା ନବୀନଙ୍କ ମଞ୍ଚକୁ ଅଣ୍ଡାମାଡ଼ର ଦୃଶ୍ୟ। ବାସ୍ତବରେ ୩ୟ ଅଣ୍ଡାଟି ନବୀନଙ୍କ ମୁଣ୍ଡରେ ବାଜିବାକୁ ଥିବା ବେଳେ ବେଳହୁଁ ସାବଧାନ ହୋଇ ସୁରକ୍ଷରେ ନିୟୋଜିତ ପୋଲିସ ବାବୁ ଜଣକ ଏହାକୁ କ୍ୟାଚ୍&zwnj; କରି ସାବାସିର ଯୋଗ୍ୟ ହୋଇଛନ୍ତି। ଏଣେ ମୁଖ୍ୟମନ୍ତ୍ରୀ ନବୀନ ନିଜେ ଗୃହ ବିଭାଗ ଦାୟିତ୍ୱରେ ଥିବାରୁ ତାଙ୍କୁ କେବେ ପୁରସ୍କାର ମିଳୁଛି ତାହା ଦେଖିବାକୁ ରହିଲା। ହେଲେ ଆପଣଙ୍କ ବିଚାର ପାଇଁ ଆମେ ସେଇ ଦୃଶ୍ୟ ସମ୍ମଳିତ ଭିଡିଓକୁ ଏଠି ପୋଷ୍ଟ କରୁଛୁ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।