ଜଗତସିଂହପୁର (ଓଡ଼ିଶା ରିପୋର୍ଟର): ଏରସମାରେ ରାବଣପୋଡ଼ି ଉତ୍ସବକୁ ଯିବା ବେଳେ ଅତିଥିଙ୍କୁ ଅଣ୍ଡାମାଡ଼ ହୋଇଥିବା ଅଭିଯୋଗ ହୋଇଛି। ଅତିଥିମାନେ ଯାଉଥିବା ଗାଡ଼ିକୁ କେହି ଦୁର୍ବୃତ୍ତ ଅଣ୍ଡାମାଡ଼ କରିଥିବା ରାଜ୍ୟସଭା ସାଂସଦ ତଥା ଅଭିନେତା ଅନୁଭବ ମହାନ୍ତି ସଭାସ୍ଥଳରେ ଭାଷଣ ଦେବା ବେଳେ ପ୍ରକାଶ କରିଛନ୍ତି। ଅନୁଭବଙ୍କ ସହ ଏହି ଗାଡ଼ିରେ ସଂସ୍କୃତି ମନ୍ତ୍ରୀ ଅଶୋକ ପଣ୍ଡା ଓ ବାଲିକୁଦା-ଏରସମା ବିଧାୟକ ପ୍ରଶାନ୍ତ ମୁଦୁଲି ମଧ୍ୟ ଥିଲେ।
ସେପଟେ ଅଣ୍ଡା ମାଡ଼ କରିଥିବା ବ୍ୟକ୍ତିଙ୍କୁ ଏରସମା ଥାନାରେ ଅଟକ ରଖାଯାଇଥିବା ତିର୍ତ୍ତୋଲ ଏସ୍ଡିପିଓ ଶିବ ଚରଣ ମଲ୍ଲିକ ସୂଚନା ଦେଇଛନ୍ତି।
ଉଲ୍ଲେଖନୀୟ ଯେ, ଏରସମାରେ ରାବଣପୋଡ଼ି ଆୟୋଜନକୁ ନେଇ ବରିଷ୍ଠ ବିଧାୟକ ଦାମୋଦର ରାଉତ ଓ ବିଧାୟକ ପ୍ରଶାନ୍ତ ମୁଦୁଲିଙ୍କ ଗୋଷ୍ଠୀ ମୁହାଁମୁହିଁ ହୋଇଥିଲେ। ରାବଣପୋଡ଼ି ପାଇଁ ଗତକାଲି ଦାମଙ୍କୁ ଅନୁମତି ନ ମିଳିବା ପ୍ରତିବାଦରେ ଆଜି ତାଙ୍କର ସମର୍ଥକମାନେ ଏରସମା ବନ୍ଦ ଡାକରା ଦେଇଥିଲେ। ଆଜି ଆୟୋଜିତ ରାବଣପୋଡ଼ି ଉତ୍ସବ ପାଇଁ ଏରସମାରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
