ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ଆଜି ପବିତ୍ର ଇଦ୍‌-ଉଲ୍‌-ଜୁହା। ବିଭିନ୍ନ ସ୍ଥାନରେ ମୁସଲମାନ ଭାଇଭଉଣୀମାନେ ଧୁମ୍‌ଧାମ୍‌ରେ ପାଳନ କରୁଛନ୍ତି ଏହି ପର୍ବ। ଏହି ଅବସରରେ ରାଜ୍ୟର ବିଭିନ୍ନ ମସଜିଦ୍ ଗୁଡ଼ିକରେ ଇସଲାମ ଧର୍ମାବଲମ୍ବୀ ସମୂହ ନମାଜ ପାଠ କରିଛନ୍ତି। ନମାଜ ପାଠ ପରେ ପରସ୍ପରକୁ ଇଦ୍‌ ମୁବାରକ ଜଣାଇଛନ୍ତି।</p> <p>ଆଜିର ଦିନକୁ ବକ୍ରି ଇଦ୍ ବୋଲି ମଧ୍ୟ କୁହାଯାଏ। ଇଦ୍‌ ଉଲ ଫିତରର ପ୍ରାୟ ଦୁଇ ମାସ ପରେ ଏହି ପର୍ବ ପାଳନ କରାଯାଇଥାଏ। ନମାଜ ପରେ ଶ୍ରଦ୍ଧାଳୁମାନେ ଦାନଧର୍ମ କରିବାର ପରମ୍ପରା ରହିଛି।</p> <p>ଭୁବନେଶ୍ୱର ଓ କଟକରେ ଧୁମ୍‌ଧାମ୍‌ରେ ଇଦ୍-ଉଲ୍‌-ଜୁହା ପାଳନ କରାଯାଇଛି। ବିଭିନ୍ନ ମସଜିଦ୍‌ରେ ଇସଲାମ ଧର୍ମାବଲମ୍ବୀମାନେ ଏକାଠି ନମାଜ ପାଠ କରିଛନ୍ତି।</p> <p>https://www.youtube.com/watch?v=xxUh4eQP1nM</p> <p>ସେହିପରି ଭଦ୍ରକରେ ଇଦ୍‌-ଉଲ୍‌-ଜୁହା ପାଳନ କରାଯାଇଛି। ଭଦ୍ରକର କୁଆଁସ ସ୍ଥିତ ଇଦ୍‌ଗା ମଇଦାନରେ ହଜାର ହଜାର ମୁସଲିମ୍‌ ଶ୍ରଦ୍ଧାଳୁ ସମୂହ ନମାଜ ପାଠ କରିବା ସହ ପରସ୍ପରକୁ ଶୁଭେଚ୍ଛା ଜଣାଇଥିଲେ। ସହରରେ ପୋଲିସ୍‌ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।</p> <p>କେନ୍ଦ୍ରାପଡ଼ାରେ ମଧ୍ୟ ଇଦ୍‌-ଉଲ୍‌-ଜୁହା ପାଳିତ ହୋଇଛି। ନୂଆ ଇଦ୍‌ଗା, ପୁରୁଣା ଇଦ୍‌ଗା, ରତାପଡ଼ା ଓ ଫକିରାବାଦ ଆଦି ସ୍ଥାନରେ ସମୂହ ନମାଜପାଠ କରାଯାଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
