ଚଳନ୍ତା ବସ୍‌ରେ ପଡ଼ିଗଲା ବିଦ୍ୟୁତ୍ ଖୁଣ୍ଟ

ଖୋର୍ଦ୍ଧା (ବଳରାମ ଲେଙ୍କା): ଚଳନ୍ତା ବସ୍ ଉପରେ ପଡ଼ିଗଲା ୧୧ କେଭିର ବିଦ୍ୟୁତ୍ ଖୁଣ୍ଟ। ନିରାକାରପୁର ଠାରେ ଘଟିଛି ଏହି ଘଟଣା।  ଖୁଣ୍ଟ ଭାଙ୍ଗି ପଡ଼ିଥିଲେ ବି ତାର ନଲାଗିବାରୁ ଅଳ୍ପକେ ବର୍ତ୍ତି ଯାଇଛନ୍ତି ଯାତ୍ରୀ। କ୍ରିଷ୍ଣା ନାମକ ଏହି ଘରୋଇ ବସ୍‌ଟି ପାରାଦୀପରୁ ବାଲିପଡ଼ା ଯାଉଥିଲା ବେଳେ ଏହି ଘଟଣା ଘଟିଥିଲା।

୪ ଦିନ ତଳେ ଭଦ୍ରକ-ଚାନ୍ଦବାଲି ରାସ୍ତାର ପାଣିକୋଇଲି ଛକରେ ଏମିତି ଏକ ଘଟଣା ଦେଖିବାକୁ ମିଳିଥିଲା। ଜଣେ ବ୍ୟକ୍ତି ବାଇକ୍‌ରେ ଯାଉଥିବା ବେଳେ ତାଙ୍କ ଉପରେ ୧୧ କେଭିର ବିଦ୍ୟୁତ୍ ତାର ଛିଣ୍ଡି ପଡ଼ିଯାଇଥିଲା। ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ତାଙ୍କ ନାଁ ଶାନ୍ତନୁ ପାତ୍ର। ତାଙ୍କ ସହିତ ବାଇକ୍ ପଛରେ ଆଉ ଜଣେ ବ୍ୟକ୍ତି ବସିଥିଲେ। ସେ ଦୂରକୁ ଛିଟିକି ପଡ଼ିଥିଲେ। ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା।