ଦିନକୁ ୧୨ଘଣ୍ଟା ବିଦ୍ୟୁତ୍ କାଟ, ଚିନ୍ତାରେ ଶିଳ୍ପସଂସ୍ଥା

ରାଉରକେଲା(ଓଡ଼ିଶା ରିପୋର୍ଟର): ଗତ ଦୁଇ ମାସରୁ ଅଧିକ ସମୟ ହେବ ଶିଳ୍ପ ସଂସ୍ଥାମାନଙ୍କୁ ଘାରିଛି ବିଦ୍ୟୁତ କାଟ ଚିନ୍ତା। ଦିନକୁ ୧୨ ଘଣ୍ଟାରୁ ଅଧିକ ସମୟ ବିଦ୍ୟୁଟ ବିଭ୍ରାଟ ଲାଗି ରହୁଛି। ଫଳରେ କମ୍ପାନୀ ଚଳାଇବାରେ ସମସ୍ୟା ସୃଷ୍ଟି ହୋଇଛି। ଏନେଇ ଶତାଧିକ କମ୍ପାନୀ ମାଲିକ ବିଦ୍ୟୁତ ବିଭାଗର ଅଧୀକ୍ଷଣ ଯନ୍ତ୍ରୀଙ୍କୁ ଭେଟି ସମାଧାନ ପାଇଁ ଅନୁରୋଧ କରିଛନ୍ତି।

ରାଉରକେଲା ସହର ଏବଂ ଏହାର ଆଖପାଖ ଅଞ୍ଚଳରେ ଘନ ଘନ ବିଦ୍ୟୁତ କାଟ୍ ହୋଇଥିବା ଅଭିଯୋଗ ହୋଇଛି। ଫଳରେ ସହର ସମେତ କାଂସବାହାଲ, ଚୁଙ୍ଗିମାଟି, ମାଣ୍ଡିଆକୁଦର, କୁଆରମୁଣ୍ଡା ଓ କଲୁଙ୍ଗା ଆଦି ଅଞ୍ଚଳରେ ଥିବା ଛୋଟ ବଡ କଳ କାରଖାନା ଅନେକ ସମସ୍ୟା ଦେଇ ଗତି କରୁଛି। ଗତ ଦୁଇ ମାସରୁ ଅଧିକ ସମୟ ହେବ ଏଠାରେ ବିଜୁଳି ବିଭ୍ରାଟ ସମସ୍ୟା ଦେଖା ଦେଇଛି। ଏନେଇ ପୂର୍ବରୁ କମ୍ପାନୀ ମାଲିକମାନେ ମଧ୍ୟ ବିଦ୍ୟୁତ ବିଭାଗର ଅଧୀକ୍ଷଣ ଯନ୍ତ୍ରୀଙ୍କୁ ଭେଟି ସମସ୍ୟା ନେଇ ଅବଗତ କରାଇଥିଲେ।

ଖୁବ୍ ଶୀଘ୍ର ଏହା ଉପରେ ପଦକ୍ଷେପ ନିଆଯିବ ବୋଲି ବଦ୍ୟୁତ୍ ବିଭାଗ ପକ୍ଷରୁ କୁହାଯାଇଛି।

 ତେବେ ଏଠାରେ ପ୍ରଶ୍ନ ଉଠୁଛି ଏବେଠୁ ଯଦି ଏମିତି, ତାହେଲେ ବର୍ଷାଦିନରେ ଝଡ଼ ତୋଫାନ ହେଲେ ବିଦ୍ୟୁତ ବିଭାଗର ପଦକ୍ଷେପ କ’ଣ ରହିବ ପ୍ରଶ୍ନ ଉଠୁଛି।