ଭବାନୀପାଟଣା (ରାଜକୁମାର ସିଂଦେଓ): ଲଘୁଚାପ ବର୍ଷାରେ ବେହାଲ କଳାହାଣ୍ଡି ଜିଲ୍ଲାରେ ଧିରେ ଧିରେ ପରିସ୍ଥିତି ସ୍ୱାଭାବିକ ହେଉଛି । ଗତକାଲି ରାତିରୁ ବର୍ଷା କମିଯିବା ଫଳରେ ନଦୀଗୁଡିକରେ ଜଳସ୍ତର ହ୍ରାସ ପାଉଛି।
ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ଇନ୍ଦ୍ରାବତୀରୁ ବିଦ୍ୟୁତ୍ ଉତ୍ପାଦନ ବନ୍ଦ ରହିଛି । ବ୍ୟାରେଜରେ ଗତକାଲି ୫ଟି ଗେଟ୍ ଖୋଲାଯାଇଥିଲା। ଏବେ ବ୍ୟାରେଜରେ ଜଳସ୍ତର ସ୍ୱାଭାବିକ ସ୍ଥିତିକୁ ଆସିଛି ।
ଜିଲାର ହାତୀନଦୀରେ ପାଣି ବଢିବା ଫଳରେ କେତେକ ଅଞ୍ଚଳରେ ପାଣି ପଶିଯାଇଥିଲା। ନଦୀକୁଳିଆ ଲୋକେ ଭୟଭୀତ ଅବସ୍ଥାରେ ଥିଲେ। ପ୍ରଶାସନ ପକ୍ଷରୁ ବିପନ୍ନଙ୍କୁ ଉଦ୍ଧାର କରାଯାଇ ରନ୍ଧାଖାଦ୍ୟ ଯୋଗାଇ ଦିଆଯାଇଛି। ବନ୍ୟାରେ ଲାଞ୍ଜିଗଡ଼ ଓ ଥୁଆମୁଳ ରାମପୁର ବ୍ଲକ ବେଶୀ ପ୍ରଭାବିତ ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
