ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଅନୁଗୋଳ/କାମାକ୍ଷାନଗର(ଓଡ଼ିଶା ରିପୋର୍ଟର):ଅନୁଗୋଳ ଜିଲ୍ଲା ବନଖଣ୍ଡ ଛେଣ୍ଡିପଦା ବନାଞ୍ଚଳର ଡଙ୍ଗାମାଳ ଗାଁ ନିକଟରେ ହାତୀପଲରୁ ଅଲଗା ହୋଇଯାଇଥିବା ହାତୀ ଛୁଆକୁ ଉଦ୍ଧାର କରାଯାଇଛି। ଆହତ ହାତୀଛୁଆକୁ ଫରେଷ୍ଟ ରେଞ୍ଜର୍ସ କଲେଜ ପରିସରରେ ଚିକିତ୍ସା କରାଯାଉଛି। ହାତୀଟି ବର୍ତ୍ତମାନ ସୁସ୍ଥ ଥିବା ଜଣାପଡ଼ିଛି।</p> <p>ଆଜି ସନ୍ଧ୍ୟାରେ ପୁଣି ଥରେ ସ୍ୱାସ୍ଥ୍ୟାବସ୍ଥା ପରୀକ୍ଷା କରାଯିବା ପରେ ଢେଙ୍କାନାଳର କପିଳାସ ଚିଡିଆଖାନାକୁ ପଠାଯିବ ବୋଲି ଅନୁଗୋଳ ଡିଏଫଓ ସୂଚନା ଦେଇଛନ୍ତି। ହାତୀଟି ଅସୁସ୍ଥ ଥିବା ଯୋଗୁଁ ହାତୀପଲରୁ ଅଲଗା ହୋଇଯାଇଥିଲା। ହାତୀଛୁଆଟି ଏଣେତେଣେ ବୁଲୁଥିବା ଦେଖି ସ୍ଥାନୀୟ ଲୋକମାନେ ବନ ବିଭାଗକୁ ଖବର ଦେଇଥିଲେ।</p> <p><a href="">(image) </a>ଅନ୍ୟପକ୍ଷରେ ଢେଙ୍କାନାଳ ଜିଲ୍ଲା କାମାକ୍ଷାନଗର ପଶ୍ଚିମ ରେଂଜ ପଣ୍ଡୁଆ ଛକରେ ହାତୀ ଆତଙ୍କ। ଗୋଟିଏ ଦନ୍ତାହାତୀ ରାସ୍ତା ପାର ହେଉଥିବା ଦେଖି ଲୋକମାନେ ଭୟଭୀତ ହୋଇ ପଡିଥିଲେ। ଏଥିଯୋଗୁ ସେହି ରାସ୍ତାରେ ଗାଡି ଚଳାଚଳ ପ୍ରଭାବିତ ହୋଇଥିଲା। ଗତ କିଛି ଦିନ ହେବ କାମାକ୍ଷାନଗର ଅଞ୍ଚଳରେ ହାତୀପଲ ବ୍ୟାପକ କ୍ଷୟକ୍ଷତି କରୁଛନ୍ତି। ଏଥିପାଇଁ ବନ ବିଭାଗ ପଦକ୍ଷେପ ନେବାକୁ ଲୋକମାନେ ଦାବି କରିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
