ଘରେ ପଶି ଦଳି ଦେଲା ଦନ୍ତା

<p>ରାଉରକେଲା(ଓଡ଼ିଶା ରିପୋର୍ଟର):ରାଉରକେଲା ବନଖଣ୍ଡର କୁଆରମୁଣ୍ଡା ଫରେଷ୍ଟ ରେଞ୍ଜ ଅନ୍ତର୍ଗତ ଝାରବେଡ଼ା ପଞ୍ଚାୟତ କୁଲୁଟୋଲି ବସ୍ତିରେ ଏକ ଅଭାବନୀୟ ଘଟଣା ଘଟିଛି। ଗତକାଲି ବିଳମ୍ୱିତ ରାତିରେ ଏକ ଦନ୍ତାହାତୀ ଘରେ ପଶି ଶୋଇଥିବା ଜଣେ ଯୁବକଙ୍କୁ&nbsp; ଦଳି ଦେଇଛି। &nbsp;ତାଙ୍କ ନାଁ ମୃତକ ନବୀନ କେର୍କଟା(୨୦)। ସୂଚନା ଅନୁସାରେ, ନବୀନ ଘରେ ଶୋଇଥିବା ସମୟରେ ଦନ୍ତା କାନ୍ଥକୁ ଧକ୍କା ଦେବାରୁ ଯୁବକ ଜଣକ କାନ୍ଥରେ ଚାପି ହୋଇଯିବା ପରେ ତାଙ୍କୁ ଦଳି ଦେଇଥିଲା।</p> <p>ସ୍ଥାନୀୟ ଲୋକେ ଓ ବନ ବିଭାଗ କର୍ମଚାରୀ ନବୀନଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।</p> <p>ଏହି ଦନ୍ତା ଦଲକି ଓ ଝୁରମୁରରେ ମଧ୍ୟ ୬ଟି&nbsp; ଘର ଭାଙ୍ଗିବା ସହ&nbsp; ବ୍ୟାପକ ଫସଲ ନଷ୍ଟ କରିଥିବା ଜଣାପଡ଼ିଛି। &nbsp;ଦନ୍ତା ନିଜ ୧୨ ଜଣିଆ ଦଳରୁ ଅଲଗା ହୋଇଯିବା ପରେ ହିଂସ୍ର ହୋଇଯାଇଥିବା କୁହାଯାଉଛି। ଅନ୍ୟପକ୍ଷରେ ୧୧ଟି ହାତୀ ବିଶ୍ରା ଫରେଷ୍ଟ ରେଞ୍ଜରେ ତାଙ୍କ ଉତ୍ପାତ ଜାରି ରଖିଛନ୍ତି। ବନ ବିଭାଗ ପକ୍ଷରୁ &nbsp;ହାତୀ ଘଉଡ଼ାଇବାକୁ&nbsp; ଉଦ୍ୟମ ଚାଲିଥିଲେ ମଧ୍ୟ&nbsp; ହାତୀ ଉପଦ୍ରବ କମୁନଥିବା ସ୍ଥାନୀୟ ଲୋକେ&nbsp; ଅଭିଯୋଗ କରିଛନ୍ତି।</p> <p>ସୂଚନାଯୋଗ୍ୟ, ଗତକାଲି ହାତୀ ଆକ୍ରମଣରେ ବିଶ୍ରା ଫରେଷ୍ଟ ରେଞ୍ଜ କାତେପୁର ନିକଟ ବଡ଼ଜୋଜା ଗାଁର ଜର୍ଜ ଲୁଗୁନ୍&zwnj;ଙ୍କ ମୃତ୍ୟୁ ଘଟିଥିଲା। ସେ ସକାଳେ ଶୌଚ ହେବାପାଇଁ ଯାଉଥିବା ବେଳେ ହାତୀ ହାବୁଡ଼ରେ ପଡ଼ି ଯାଇଥିଲେ। ହାତୀ ତାଙ୍କୁ କଚାଡ଼ି ମାରି ଦେଇଥିଲା।</p>