ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ଅଭିନେତ୍ରୀ ଅନୁଭାଙ୍କ ନାଁରେ ଫେକ୍ ଫେସବୁକ ଆକାଉଣ୍ଟ ଖୋଲି ତାଙ୍କ ଫ୍ୟାନମାନଙ୍କ ଠାରୁ ଟଙ୍କା ଆଦାୟ କରିବା ପାଇଁ ଉଦ୍ୟମ କରାଯାଉଥିବା ଅଭିଯୋଗ ହୋଇଛି। ଅନୁଭା ନିଜେ ଏହି ଅଭିଯୋଗ ଆଣିଛନ୍ତି। ସେ ଏନେଇ ସାଇବର କ୍ରାଇମ ସେଲରେ ଅଭିଯୋଗ କରିବେ ବୋଲି କହିଛନ୍ତି। ଅଭିଯୋଗ ଅନୁସାରେ, ଜଣେ କେହି ବ୍ୟକ୍ତି ଅନୁଭାଙ୍କ ଫଟୋ ଥିବା ଫେସବୁକ ଆକାଉଣ୍ଟ ଖୋଲିଥିଲା। ଘର ଛାଡି ବେଙ୍ଗାଲୁର ଚାଲିଆସିଛନ୍ତି। ଆଉ ଅସୁବିଧାରେ ଅଛନ୍ତି ବୋଲି ପୋଷ୍ଟ କରିବା ସହିତ ତାଙ୍କୁ ଆର୍ଥିକ ସାହାଯ୍ୟ କରିବା ପାଇଁ ଫେସବୁକରେ ଅନୁରୋଧ କରିଥିଲେ। ଆଉ ତାଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଥିବା ଜଣେ ବ୍ୟକ୍ତି ନିଜ ଆକାଉଣ୍ଟ ନମ୍ବର ଦେବା ପାଇଁ ଅନୁଭାଙ୍କୁ ଇ-ମେଲ କରିବା ପରେ ଏହି ଘଟଣା ଜାଣି ପାରିଥିଲେ।</p> <p>ଏହି ଘଟଣା ତାଙ୍କ ସମ୍ମାନରେ ଆଞ୍ଚ ଆଣିଥିବା ଅନୁଭା ଅଭିଯୋଗ ଆଣିଛନ୍ତି। ତାଙ୍କ ନାଁ ରେ ଅନେକ ଫେକ୍‌ ଆକାଉଣ୍ଟ ରହିଛି ଏବଂ ପୂର୍ବରୁ ସେ ଏ ସମ୍ପର୍କରେ ସାଇବର କ୍ରାଇମ ସେଲରେ ଅଭିଯୋଗ କରିବା ପରେ ଫେକ୍‌ ଆକାଉଣ୍ଟ ବ୍ଲକ କରାଯାଇଥିଲା। ଏବେ ପୁଣି ଥରେ ସାଇବର କ୍ରାଇମ ସେଲ୍‌ରେ ଅଭିଯୋଗ କରିବେ ଏବଂ ଏଭଳି ଅପରାଧ କରୁଥିବା ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିବେ ବୋଲି ଅନୁଭା କହିଛନ୍ତି।</p> <p>ସେଲିବ୍ରିଟିଙ୍କ ଫେସବୁକ ହ୍ୟାକ କରି ଅର୍ଥ ଉପାର୍ଜନ କରିବା ଉଦ୍ୟମ ନୂଆଁ ନୁହେଁ ପୂର୍ବରୁ ଅଭିନେତା ବାବୁସାନଙ୍କ ପେସବୁକ ହ୍ୟାକ୍‌ କରି ତାଙ୍କୁ ଟଙ୍କା ଦେବା ପାଇଁ ମଧ୍ୟ ପୋଷ୍ଟ କରାଯାଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
