ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ କରୋନା ମହାମାରୀ ସଂକ୍ରମଣ ମାମଲା ଦ୍ରୁତ ଗତିରେ ବୃଦ୍ଧି ପାଉଥିବାବେଳେ ଗଞ୍ଜାମ ଜିଲ୍ଲାରେ ବିବାହ ସମାରୋହ ନିମନ୍ତେ ପରିବାର ସଦସ୍ୟଙ୍କ ରାପିଡ୍ ଆଣ୍ଟିଜେନ୍ ଟେଷ୍ଟ ବାଧ୍ୟତାମୂଳକ କରାଯାଇଛି। ବିବାହ ଉତ୍ସବ ଥିଲେ ଉଭୟ ପରିବାରର ସଦସ୍ୟମାନେ କୋଭିଡ୍ ସଂକ୍ରମିତ କି ନାହିଁ ସେଥିପାଇଁ ନିଜର ରାପିଡ୍ ଆଣ୍ଟିଜେନ୍ ଟେଷ୍ଟ ରିପୋର୍ଟ ଦାଖଲ କରିବେ। ଆଜି ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଏଭଳି ନିର୍ଦ୍ଦେଶନାମା ଜାରି ହୋଇଥିବା ଜଣାପଡ଼ିଛି।
ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଜାରି ନିର୍ଦ୍ଦେଶନାମା ଅନୁସାରେ, ବିବାହ ଉତ୍ସବ ଥିଲେ ସମସ୍ତ ପରିବାର ସଦସ୍ୟଙ୍କୁ ନିଶ୍ଚିତ ଭାବେ ରାପିଡ୍ ଆଣ୍ଟିଜେନ୍ ଟେଷ୍ଟ୍ କରିବାକୁ ପଡ଼ିବ। ଯଦି ପରିବାରର କୌଣସି ସଦସ୍ୟଙ୍କର କୋଭିଡ୍ ପଜେଟିଭ୍ ଥିବା ଜଣାପଡ଼ିଲା, ତା’ହେଲେ ବିବାହ ଉତ୍ସବ ପାଇଁ ଅନୁମତି ଦିଆଯିବ ନାହିଁ ।
ଜିଲ୍ଲା ପ୍ରଶାସନ ପୂର୍ବରୁ ଜାରି କରିଥିବା ନିର୍ଦ୍ଦେଶନାମାରେ ବିବାହ ନିମନ୍ତେ ସ୍ଥାନୀୟ ପ୍ରଶାସନଠୁ ଅନୁମତି ନେବା ଜରୁରୀ ବୋଲି କହିଥିଲା। ଏହାସହିତ ବିବାହ ଉତ୍ସବରେ ୫୦ଜଣରୁ ଅଧିକ ଲୋକ ସାମିଲ ହୋଇପାରିବେ ନାହିଁ ବୋଲି ଜିଲ୍ଲା ପ୍ରଶାସନ ନିର୍ଦ୍ଦେଶନାମା ଜାରି କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
